Comisiynu
Cynllunir gwasanaeth rhaglenni S4C i ddarparu ystod eang o raglenni i wylwyr o bob oedran, diddordeb ac ym mhob rhan o Gymru.
Mae strategaeth cynnwys S4C yn ...
- adeiladu ar gynllun Rhagoriaeth Greadigol S4C a lansiwyd yn 2004 ac yn cyflwyno gweledigaeth y Sianel fel darparwr cynnwys dyfeisgar a gwreiddiol sy'n rhoi gwerth i gynulleidfaoedd.
- Mae'r strategaeth yn nodi bydd S4C yn cryfhau ac yn buddsoddi yn ei darllediadau o ddigwyddiadau Cymreig, yn comisiynu rhaglenni sy'n dathlu tirwedd Cymru, yn cynnig drama, adloniant a cherddoriaeth o safon uchel, yn cynnig cyfresi ffeithiol o bwys ac yn rhoi sylw proffeil uchel i chwaraeon - yn enwedig rygbi a phêl-droed.
- Yn ogystal, erbyn 2012, bydd yr holl gynnwys a gomisiynir gan S4C yn cael ei gynhyrchu ar fformat Manylder Uwch (HD).
Rydym yn gweithredu proses barhaus o ddatblygu a chomisiynu. Trefn hyblyg a gweithredol yw hon, sy'n ein galluogi i ymateb i anghenion cynulleidfa a gofynion yr amserlen. Rhoddir ymateb sydyn i unrhyw syniad a gynigir er mwyn hwyluso eu trefniadaeth fusnes.
Rydym yn barod i dderbyn syniadau gan bob cynhyrchydd all gyfarfod â gofynion comisiynu S4C ac edrychwn ymlaen at ddeialog greadigol.
- Strategaeth Cynnwys 2009 - 2013
- Cynllun Corfforaethol S4C 2008-2009
- Datganiad Polisi Rhaglenni S4C 2008
- Adolygiad Datganiad Polisi Rhaglenni S4C 2007