Cysylltiadau
Rheoli Cynnwys
Ceisiadau am Glipiau
Cyffredinol
Mae archif S4C yn cynnwys deunydd o raglenni a gomisiynwyd gan gwmnïau cynhyrchu annibynnol (yn bennaf trwy gyfrwng y Gymraeg) ers lansio'r sianel yn Nhachwedd 1982. Yn ogystal â chynnwys deunydd yn ymwneud â Chymru (y gwlad, ei hiaith a'i phobl) mae'r casgliad hefyd yn adlewyrchu ystod o raglenni sydd â themâu a phynciau mwy cyffredinol sy'n apelio i gynulleidfa eang, o oedolion i blant meithrin.
Man cychwyn unrhyw ymholiad am glipiau yw'r Llyfrgell ac wedi sgwrs gyffredinol byddwn yn anfon e-bost / ffurflen i'w llenwi ar gyfer manylion llawn y cais. Bydd angen cadarnhau at ba bwrpas ac ym mha cyddestun y byddwch yn defnyddio'r clip ac ar ba fformat i dderbyn y deunydd.
Ceisiadau am glipiau i'w cynnwys mewn rhaglenni i'w darlledu ar S4C
Gall cwmnïau sy'n cynhyrchu rhaglenni i S4C ddefnyddio casgliad y Llyfrgell ar gyfer clipiau penodol neu luniau cyffredinol. Os ydych am ddefnyddio deunydd crai (rushes) dylid cysylltu â'r Llyfrgellydd, (02920 741211) neu Clip Cymru Cyf (01286) 677225 ar gyfer y tapiau wedi eu stori yn y Gogledd.
Cost: Rhaid talu'r costau trosglwyddo ac unrhyw ffioedd ag amlinellir yn y cytundeb.
Ceisiadau am glipiau gan ddarlledwyr ar wahân i S4C
S4C Rhyngwladol sydd yn trefnu pob trwydded ar gyfer clipiau sydd angen gan ddarlledwyr eraill (yn y D.U. neu ledled y byd) a'r Llyfrgell fydd yn delio â chanfod y deunydd.
Cost: Mae ffioedd ymchwil, trosglwyddo, trwyddedau a chostau clirio yn daladwy a dylid cysylltu yn uniongyrchol ag S4C Rhyngwladol am fanylion y costau a thrwyddedau.
Deunydd a Drosglwyddir
Mae S4C yn gallu ryddhau clipiau penodol e.e. artistiaid arbennig / actorion / golygfeydd / caneuon / perfformiadau a GV's. Fel rheol ni ellir rhyddhau copi llawn o raglen oni bai fod eu hangen fel Copi Wrth Gefn gan y cwmni cynhyrchu gwreiddiol neu wedi eu prynu i ddarlledu ar drwydded gan S4C Rhyngwladol.
Rhyddheir deunydd gan y Llyfrgell yn amodol ar delerau a chyfyngiadau'r cytundeb gwreiddiol ac yn achlysurol bydd rhaid trefnu trwyddedau ac ymgymryd â chlirio a thaliadau pellach. Cyfrifoldeb y cwmni cynhyrchu yw hyn ond lle'n ymarferol bosibl, fe fydd y Llyfrgell yn trosglwyddo unrhyw gyfarwyddiadau, cysylltiadau neu fanylion ar eu cyfer.
Gwsanaethau a Gynigir Gan y Llyfrgell
Copi Gwylio
Gellir darparu copi VHS gyda "timecode" y rhaglen wedi llosgi dros y llun a chodir tâl am wneud copïau gwylio.
Adnoddau Gwylio
Mae'n bosib dod i swyddfa'r Llyfrgell yng Nghaerdydd i wylio rhaglenni trwy drefniant. Dylid cysylltu ag aelod o staff y Llyfrgell i drefnu dyddiad ac amser sy'n gyfleus i bawb a'r deunydd sydd angen gwylio.
Formats
Gellir trosglwyddo deunydd i'r formats canlynol- Digi Beta, Beta SP, VHS, DV Cam a DAT. (Nid yw'n bosib trosglwyddo deunydd i fformat NTSC).