Gwahoddiad i gyflwyno syniadau ar gyfer cyfresi adloniant drwy’r wefan cynhyrchu
11-Maw-2010
Mae gwaith ymchwil S4C gyda’n cynulleidfaoedd yn pwysleisio’r angen am raglenni adloniant teuluol ac am raglenni ysgafn hwyliog hawdd i’w gwylio. Rydym yn ystyried ei bod yn bwysig i S4C gynnal yr ymrwymiad yn y maes cystadleuol hwn yn gyson gyda Strategaeth Cynnwys S4C.
Mae’n fwriad gennym felly i gomisiynu cyfresi adloniant newydd. Rydym yn chwilio am gyfresi o rhwng 6 a 10 pennod gyda’r rhaglenni’n naill ai’n 30, 45 neu 60 munud o hyd
Croesewir syniadau am wahanol fathau o raglenni sy’n llawn hwyl ym maes adloniant. Ein dyhead yw bod y syniadau yn cyflawni un neu fwy o’r canlynol:
- cyfle i’r teulu cyfan gyd-wylio a mwynhau
- rhyngweithio â’r gynulleidfa
- yn cynnwys perfformiadau amrywiol
Gallwch ystyried cynnig hyn mewn stiwdio neu ar leoliad.
Fe’ch gwahoddir i gyflwyno syniadau drwy’r wefan cynhyrchu o dan y genre Adloniant erbyn 12:00 canol dydd, dydd Llun 19 Ebrill.
Bydd cost y cyfresi yn unol â’r tariffau adloniant ac yn ddibynnol ar y cynnwys golygyddol a gofynnir i chi nodi amcan bris wrth gyflwyno’r syniad drwy’r wefan yn ogystal ag amcan o’r cyfnod pan fydd y rhaglen yn barod i’w chyfleu. Bydd y syniadau yn cael eu hystyried yn unol â’r drefn gomisiynu ddi-dor.
Byddwn yn ymateb i’r syniadau erbyn diwedd mis Ebrill 2010.
Cedwir yr hawl i beidio â chomisiynu unrhyw un o’r cynigion a ddaw i law.