Adroddiad Diwedd Tymor 2011
2011 oedd y bedwaredd gyfres ar bymtheg ers cychwyn Rasus, ac roedd hi`n dymor cofiadwy arall.
Cynhaliwyd y Ffeinal deledu byw cyntaf erioed ar drac Tairgwaith – Cwpan Cymru S4C, enillwyd gan Grannell Shane, wedi ei enwi ar ol y digymar Shane Williams, ac yn eiddo i arwr y werin Tudor Jones Llanymmdyfri.
Cafwyd rasio arbennig unwaith eto gyda chymdeithas Cymru a’r Gororau, yn Nhalgareg a Chaersws, ac hefyd am y tro cyntaf erioed pan rasiodd y gymdeithas o dan y llifoleuadau ar drac Tairgwaith ar Noson Annibynwyr S4C
Yn anffodus ni fu`n bosib rhedeg Clasur Cymru ar Ddydd Sadwrn Tregaron oherwydd y tywydd anwadal, ond er gwaetha’r siom fe gafwyd Dydd Gwener gogoneddus gyda Patrick Kane Jnr. a Maitha Buachaill yn ennill Cwpan Ystrad Fflur, i goroni deuddydd llwyddiannus iawn i`r ymwelwyr niferus o`r Ynys Werdd.
Uchafbwynt y tymor heb os oedd Ffeinal Crochan Aur S4C yn Tir Prince, gyda`r diweddglo agosaf erioed wrth i 4 ceffyl groesi’r lein yn benben a`u gilydd. Laneside Lexus aeth a hi, y gaseg gyntaf erioed i ennill ras bwysica`r BHRC, gwobr deilwng I Posh a Becks y byd harnes, Alexis a William “Rocker” Laidler ar y noson rasio mwyaf cyffrous erioed ar Rasus.
Diolch i holl aelodau a chlybiau`r ddau gymdeithas rasio, BHRC a Chymru a`r Gororau,am dymor cofiadwy arall.
TIR PRINCE 
TREGARON 
TAIRGWAITH 
TIR PRINCE 
TAIRGWAITH 
TIR PRINCE 
CAERSWS 
TAIRGWAITH