Llwyddodd Y Seintiau Newydd i fachu gôl oddi cartref holl bwysig yng Ngwlad yr Iâ yng nghymal cyntaf eu gêm yng Nghynghrair Europa.

Roedd Steve Evans wedi rhoi'r clwb o Groesoswallt ar y blaen â pheniad o groesiad Scott Ruscoe wedi 23 munud , ond naw munud yn ddiweddarach roedd Fram yn gyfartal.

Rhwydodd Sam Tillen o'r smotyn wedi i Conall Murtagh droseddu yn y cwrt cosbi a llwyddodd Heidar Juliusson i fanteisio ar farcio llac Y Seintiau i roi'r tîm cartref ar y blaen yn gynnar yn yr ail hanner.

A bu rhaid diolch i'w golwr, Paul Harrison, lwyddodd i arbed yn wych wrth draed Hjamar Thorarinsson yn hwyr yn y gêm a chadw eu gobeithion yn fyw.

> Mwy: Motherwell 0-1 Llanelli