Ar ôl darlledu'r gêm olaf ar Ffordd Farrar bydd Sgorio hefyd yn darlledu'r gêm gyntaf yn Uwch Gynghrair Cymru o faes newydd Bangor, Nantporth.

Cafwyd cadarnhâd ddydd Llun o restr y gemau byw fydd ar Sgorio ar gyfer ail hanner y tymor yng Nghymru gyda'r gêm gyntaf yn dod o lannau'r Fenai wrth i Fangor ymgartrefu yn eu cartref newydd.

Ac mewn cyd-ddigwyddiad hyfryd, ar ôl bod y gwrthwynebwyr olaf ar Ffordd Farrar, Prestatyn fydd yr ymwelwyr cyntaf â Nantporth yn Uwch Gynghrair Cymru ar 4 Chwefror.

Bydd gêm fawr yn hanner isaf y tabl ar 11 Chwefror wrth i Mark Aizlewood arwain Caerfyrddin i fyny'r A487 i Aberystwyth yn y gobaith o sicrhau dyfodol yr Hen Aur yn Uwch Gynghrair Cymru.

Yn ogystal â gêm yng Nghwpan Cymru bydd cyfle i weld y pedwar ceffyl blaen wrth i Lanelli groesawu'r Seintiau cyn i Gastell-nedd a'r Seintiau ymweld â Fangor.

Mae hi'n addo bod yn ddiweddglo cyffrous arall i Uwch Gynghrair Cymru a bydd Sgorio yno i weld y cyfan.

• 4 Chwefror: Bangor v Prestatyn
• 11 Chwefror: Aberystwyth v Caerfyrddin
• 18 Chwefror: Llanelli v Y Seintiau Newydd
• 25 Chwefror: Cwpan Cymru - i'w gadarnhau
• 3 Mawrth: Bangor v Castell-nedd
• 10 Mawrth: Bangor v Y Seintiau Newydd