- Hafan
- Ffurflen gais
- Prosiectau
- Bro Ffestiniog
- Urdd Gobaith Cymru
- Prifysgol Llanbed
- Trust PA
- Apêl SOSirbKitAid
- Apêl Yogi
- Gwylio rhagflas
Tîm rygbi merched yn teithio nôl i'r 40au
Gwyliwch glip o dîm rygbi merched Prifysgol Llanbed ar Wedi 7Mae tîm rygbi merched Prifysgol Llanbed yn brysur yn codi arian ar gyfer prynu offer hyfforddi newydd.
Fel rhan o'r ymgyrch i godi arian, cynhaliwyd noson 1940au yn Undeb y Brifysgol ar 22 Hydref, gyda'r myfyrwyr yn gwisgo i fyny ac yn mwynhau cerddoriaeth ac addurniadau o'r cyfnod.
Ar hyn o bryd, mae'r merched yn rhannu offer gyda thîm rygbi'r bechgyn - mae gan y bechgyn noddwyr sydd wedi ariannu eu hoffer. Mae'n rhaid i'r merched gael caniatâd pob tro maent yn eu defnyddio.
Gyda chymorth S4C, aeth camerau Wedi 7 i ffilmio'r merched yn hyfforddi, gan roi'r cyfle iddyn nhw hyrwyddo'r digwyddiad.
Ymysg yr offer sydd angen ar y merched, mae bagiau taclo, tariannau ryc, bibiau, conau a nwyddau bach eraill.
Ymhlith aelodau'r tîm mae myfyrwyr o'r Brifysgol, yn ogystal â merched o'r dref, sy'n atgyfnerthu'r cydweithio yng nghymuned Llanbed.
Os hoffech wybod sut i helpu'r tîm, cysylltwch â Phrifysgol Llanbed er mwyn cysylltu â Elizabeth McElhinney.
Sut i gymryd rhan
Os ydych chi â diddordeb mewn trefnu digwyddiad codi arian yn gysylltiedig â rygbi, ac awydd cymorth gan S4C, yna anfonwch ffurflen gais atom ni ar-lein neu gysylltwch â Gwifren Gwylwyr S4C, 0870 6004141.