Yn dilyn proses tendr agored mae S4C wedi penodi PricewaterhouseCoopers LLP fel archwilwyr mewnol a Grant Thornton UK LLP fel archwilwyr allanol.
Mae S4C yn tendro ar gyfer darparu Gwasanaethau Archwilio Mewnol ac ar gyfer darparu Gwasanaethau Archwilio Allanol. Hysbysebwyd y tendrau ar sell2wales ac mae rhagor o wybodaeth am y tendrau i'w gweld ar y safle:
Allanol - https://www.sell2wales.co.uk/notices/display.html?NoticeId=27616
Mewnol - https://www.sell2wales.co.uk/notices/display.html?NoticeId=27433
Y dyddiad cau i geisiadau ar gyfer y ddau dendr yw 4 Tachwedd, 2011. Dylai pob cais am wybodaeth bellach am y broses dendro yn unig gael eu cyfeirio at: tendrarchwilio@s4c.co.uk Sylwch na ddylid cyfeirio unrhyw ymholiad neu gais am wybodaeth sy'n ymwneud â'r broses dendro at unrhyw swyddog unigol, cyflogai neu gynrychiolydd o S4C.
Mae S4C yn rhedeg tendr ar gyfer gwasanaethau Rhwydwaith Darparu Cynnwys a/neu gwasanaethau gweinydd/amgodio aml-ddyfais, amlblatfform. Mae'r tendr wedi ei hysbysebu yn Siwrnal Swyddogol yr Undeb Ewropeaidd. Rhaid i bob cwmni a busnes sydd â diddordeb mewn darparu'r gwasanaethau gwblhau'r Gwahoddiad I Dendr (GID) yn y ffurf y gosodir isod. Y dyddiad olaf i S4C dderbyn y GID wedi ei gwblhau yw 16:00 ar 9 Tachwedd 2011.
Dylid cyfeirio pob cais am wybodaeth a/neu arweiniad pellach ar sut i gwblhau'r GID a/neu'r broses dendro hon at: cdnquestions@s4c.co.uk Sylwer, os gwelwch yn dda, na ddylid anfon unrhyw ymholiad na chais am wybodaeth ynglŷn â'r broses dendro at unrhyw swyddog, gweithiwr na chynrychiolydd unigol yn S4C.
Y dyddiad cau ar gyfer derbyn ceisiadau am wybodaeth a/neu arweiniad pellach ar sut i gwblhau'r GID yw hanner dydd, 26 Hydref 2011.
Lawrlwytho Gwahoddiad i Dendro
Lawrlwytho Cytundeb Drafft ar Gyfer Gwasanaethau
Cywiriad i ateb 1 uchod: Cyfanswm nifer o oriau o fideo gwreiddiol yn 2010 - 2484:44:55
C. Mae'n ymddangos fod 5 fersiwn wedi'i amgodio wedi cael eu creu ond dim ond 3 proffil amgodio a nodwyd. Ydi hyn yn golygu fod nifer o'r fersiynau amgodio yr un fath, neu ai dim ond 3 fersiwn wedi'i amgodio sydd wedi eu creu?
A. Mae gorgyffwrdd yma - 5 targed, 3 proffil. Mae Android yn rhannu proffil yr iPhone.
64K AAC audio yn unig - cael ei greu'n ddynamig gan y gweinydd fideo.
Hi 2.1 ar gyfer Mac/PC Base
3.0@ 640x360 & 3.0@320x180 ar gyfer iPhone & Android
C. Ydych chi'n disgwyl i'r ymgeisydd llwyddiannus i sefydlu a gweithredu cyfleusterau amgodio o fewn eich adeiladau - neu yn y « cwmwl » neu fodel hybrid ? Os y bydd amgodio aml-fformat yn cael ei weithredu yn allanol, a fedr S4C (er mwyn cynyddu cyflymder uwchlwytho) greu un ffeil 'mezzanine' wedi'i amgodio (oddeutu 5-10 mps) gyda chyfarpar y tu allan i sgop y cytundeb hwn, yn hytrach na defnyddio'r fersiwn heb ei gywasgu a ddefnyddir ar gyfer chwarae allan?
A. Hoffem ddarparu prif ffeil (level 'mezzanine' berthnasol i'w gytuno) i'r ymgeisydd llwyddiannus, ac yna i'r fersiynau terfynol gael eu creu yn allanol (oddi ar safle S4C) gan y contractiwr.
C. O fewn y ddogfen dendr, cyfeirir at ffrydio byw. A fydd S4C yn darparu'r amgodwyr ffrydio byw y tu allan i'r cytundeb hwn, ac yn gyfrifol am ddarparu'r ffrydiau byw perthnasol i'r RDC? Neu, a fydd yr ymgeisydd llwyddiannus yn gyfrifol am ddarparu'r amgodwyr byw o fewn adeiladau S4C, (ac os felly, oes yna unrhyw ofynion ee "redundant pair," mewnbwn SDI ayyb)?
A. Bydd S4C yn darparu'r amgodwyr ffrydio byw y tu allan i'r cytundeb hwn ac yn gyfrifol am ddarparu'r ffrydiau byw perthnasol i'r RDC.
C. A yw'n ddehongliad cywir y bydd uwchlwytho ffeiliau (neu ddarparu ffrydiau byw) ar gylched rhyngrwyd o eiddo S4C, ac na fydd unrhyw faterion o ran safon (yn y ffrwd byw sy'n dod i mewn i'n RDC ni) neu oediadau (mewn uwchlwytho ffeiliau gwreiddiol) yn effeithio ar unrhyw SLAs a ddarperir gan yr ymgeisydd llwyddiannus?
A. Ydi, mae hyn yn ddehongliad cywir.
C. Ydi S4C yn disgwyl i ddefnyddio'r pwyntiau cyhoeddi byw ar gyfer cyfnodau cyson neu barhaus o raglenni, ac osfelly, fedrwch chi ddarparu rhai esiamplau?
A. Ydyn - mae pwynt cyhoeddi byw yn cael ei ddefnyddio i ddarlledu'r allbwn yn gydamserol. Mae'r amgodiwr yn rhedeg 24x7 - ond mae'r galw'n amrywio yn ôl poblogrwydd y rhaglen sy'n cael ei darlledu. O bryd i'w gilydd, byddwn yn darparu ffrwd ychwanegol ar gyfer digwyddiadau arbennig ee eisteddfodau, gemau chwaraeon. (<4 gwaith y flwyddyn). Mae rhain unai dros gyfnod hir o tua 1 wythnos (ee Sioe Frenhinol Cymru) neu ddwy awr (ee gem bel droed)
C. Ydi'r gwasanaethau VOD sy'n cael eu dangos fel CF99 a Taro 9 byth yn cael eu newid am ffrydiau byw, ac os felly pa mor aml ac am ba hyd?
A. Mae CF99 a Taro 9 ar gael yn gydamserol ac ar VOD.
C. Fedr S4C gadarnhau y bydd yn cymryd cyfrifoldeb dros recordio ffrydiau byw fel defnydd fel ffeiliau fideo dal-i-fyny maes o law?
A. Medrwn gadarnhau hyn
C. Fedr S4C gadarnhau pa ddarpariaeth, os ogwbl, sydd angen ei wneud ar gyfer isdeitlo ar ffrydiau byw a/neu ffeiliau VOD?
A. Does dim darpariaeth bresennol ar gyfer isdeitlo ar ffrydiau byw. Mae ffrydiau VOD ar gael gyda hyd at ddau opsiwn isdeitlo (Saesneg a/neu Gymraeg). Mae gan oddeutu 80% o raglenni VOD o leiaf un opsiwn isdeitlo.
DYDDIAD YN MYND YMA
S4C yw'r darlledwr gwasanaeth cyhoeddus sy'n darparu rhaglenni yn yr iaith Gymraeg yng Nghymru ac ar draws y D.U. Darlledir y rhaglenni o'n pencadlys yn Llanisien, Caerdydd.
Rydym yn bwriadu gwneud addasiadau i'n bloc technegol yn Llanisien. Mae Rhannau 1 a 2 o'r gwaith eisoes wedi eu cwblhau, ac nawr fe hoffem wahodd tendrau ar gyfer Rhan 3 sy'n cynnwys y gwaith paralel o addasu'r adeilad a diweddaru offer mecanyddol a thrydanol. Mae'r gwaith adeiladu yn cynnwys elfennau mewnol (waliau, lloriau, nenfydau) a'r gwaith mecanyddol a thrydanol yn cynnwys addasiadau i systemau presennol ynghyd a gosod systemau oeri a goleuo newydd.
Bydd tendrau ar wahân yn cael eu gwahodd ar gyfer y ddau fath o waith. Gall ymgeiswyr gynnig am un neu'r ddau gytundeb.
Amcangyfrifir y bydd gwerth y gwaith adeiladu oddeutu £120k, gyda'r gwaith HVAC a thrydanol oddeutu £180k.
Rhaid i gwmnïau sydd am ymgeisio gwblhau holiadur cyn-gymhwyso ar gyfer un (neu'r ddau) gytundeb erbyn 5pm ar y 15fed Hydref 2010. Bydd cyfarwyddiadau ar gyfer ymgeisio a manylion o'r methodoleg gwerthuso ar gael o fewn yr holiaduron. Rhaid i unrhyw geisiadau am fwy o wybodaeth neu arweiniad pellach ar sut i lenwi'r holiaduron gael eu cyflwyno erbyn 5pm ar y 11eg o Hydref 2010.
Fe estynnir gwahoddiad i dendro i'r ymgeiswyr hynny fydd yn cyrraedd y rhestr fer. Rydym yn rhagweld y byddwn yn gwahodd oddeutu 5 cwmni i'r rhestr fer ar gyfer pob cytundeb. Bydd y cytundeb(au) yn cael eu dyfarnu ar sail yr ymateb i dendr a fernir y mwyaf manteisiol yn economaidd trwy ddefnyddio'r meini prawf a osodwyd yn y gwahoddiad i dendro.
Nid oes gennym achrediad ISo9000 neu gyfwerth. Mae gennym achrediadau gyda:
Fedrwch chi gadarnhau os yw hyn yn dderbyniol neu beidio? h.y. a fyddwn yn cael ein gwrthod?
Ni fyddwch yn cael eich gwrthod am beidio cael achrediad ISO 9000. Fe ddyfernir fod y cyfeiriad at hyn yn yr HCG yn ddymunol ond nid yn angenrheidiol. Bydd system rheoli safonau sy'n darparu modd addas o sicrhau safon gwasanaeth derbyniol a chyson yn foddhaol. Disgrifiwch eich system mewn manylder rhesymol, wedi ei gyfyngu i ddim mwy nag un ochr A4.
O gymryd fod y gwaith yn gydamserol dim ond un Prif Gontractwr gall fod. Prif waith ein safle rheoli yw cydlynu'r 'M&E' (2 o isgontractwyr o bosib) gyda phrosesau adailadu eraill. Ydych chi'n bwriadu enwebu isgontractwr M&E i'r prif Gontractwr. Os nad ydych, sut ydych chi'n bwriadu rheoli'r broses adeiladu?
Gall y ddau dendr yma gael eu rhoi i un cynnig neu ddau. Yn yr achos cyntaf, nid oes problem. Yn yr ail, rydym yn rhagweld mai'r contractwr adeiladu fyddai'r prif gontractwr. Ond, gan nad ydym yn gwybod pwy fydd yr ymgeisydd llwyddiannus, rhaid inni gadw ein opsiynau yn agored.
Rydych wedi gofyn am i'r holiadur cyn gymhwyso gael ei sganio. Byddai hyn yn cymryd llawer o amser. A fyddai'n bosib i ni sganio ac anfon y dudalen llofnod ymlaen atoch gyda'r ddogfen gyflawn ac unrhyw amgaeadau eraill wedi eu atodi fel dogfennau Word, os gwelwch yn dda?
Ydy, mae hyn yn dderbyniol, ond gwnewch yn siwr eich bod yn nodi'n glir sawl e-bost ac atodiad sydd yn rhan o'ch cais gorffenedig.
Ydych chi eisiau copi o'r CHAS, archediad adeiladu ayyb, neu a ydyw'n dderbyniol i nodi bod rhain ar gael?
Bydd dim angen copïau ohonynt ar hyn o bryd. Bydd gofyn amdanynt ar ôl pennu'r rhestr fer ac yng nghyfnod y gwahoddiad i dendr.
Mae cwestiwn 6c er enghraifft yn gofyn am llawer o wybodaeth. Ydych chi eisiau teipio hwn fel rhan o'r holiadur neu fel atodiad ar wahân?
Os ydych am gynnwys mwy o wybodaeth gallwch ehangu maint yr holiadur cyn gymhwyso a theipio'r manylion i fewn.
Mae'r ffurflen gais yn egluro fod yna ddau gytundeb, un ar gyfer M&E a'r llall ar gyfer gwaith yn ymwneud â'r adeiladwaith. I ba gategori mae'r rhaniadau a nenfydau crog a'r gorffeniadau mewnol yn perthyn?
Cytundeb i addasu'r adeilad.
Ydych chi wedi llunio'r cynllun?
Ydyn ac mi fyddwn wedi gorffen cynlluniau M&E ac adeiladu i'w dosbarthu i'r ymgeiswyr ar y rhestr fer. Fodd bynnag, bydd yr elfen M&E yn cael ei gynnig fel cytundeb cynllunio ac adeiladu er mwyn sicrhau cysylltiad gyda'r darparwr M&E. Mae hyn yn bennaf er mwyn sicrhau prynu mewn i sicrhau gwaith gosod llwyddiannus.
23 Chwefror 2010
Mae Cwmni Pawb wedi ennill mewn cystadleuaeth agored y tendr i gynhyrchu Gwasanaeth Cymorth Rhaglenni ar gyfer S4C, yn amodol ar gytundeb. Bydd Cwmni Pawb yn parhau i gynnig i wylwyr wybodaeth ddyfeisgar o bynciau amrywiol, sy'n cyd-fynd â'r gwasanaeth rhaglenni ac sydd ar gael ar wefan S4/Cymorth.
Hyd y cytundeb yw tair blynedd (Ebrill 2010-Mawrth 2013).
18 Ionawr 2010
Mae S4C yn rhedeg tendr gwasanaethau glanhau ar gyfer ei swyddfa a leolir ym Mharc Tŷ Glas, Llanishen, Caerdydd. Mae'r tendr wedi ei hysbysebu yn Siwrnal Swyddogol yr Undeb Ewropeaidd a gellir cael gwybodaeth bellach am y tendr yma ar: https://www.sell2wales.co.uk/notices/display.html?NoticeId=19055 Rhaid i bob cwmni a busnes sydd â diddordeb mewn darparu'r gwasanaethau gwblhau'r Holiadur Cyn-Gymhwyso yn y ffurf y gosodir isod. Y dyddiad olaf er mwyn i S4C dderbyn yr Holiadur Cyn-Gymhwyso wedi ei gwblhau yw canol dydd 15fed Chwefror 2010.
Dylid cyfeirio pob cais am wybodaeth a/neu arweiniad pellach ar sut i gwblhau'r Holiadur hwn a/neu'r broses dendro hon at: hannah.evans@s4c.co.uk Sylwer, os gwelwch yn dda, na ddylid anfon unrhyw ymholiad na chais am wybodaeth ynglŷn â'r broses dendro at unrhyw swyddog, gweithiwr na chynrychiolydd unigol yn S4C.
Y dyddiad cau ar gyfer derbyn ceisiadau am wybodaeth a/neu arweiniad pellach ar sut i gwblhau'r Holiadur yw canol dydd, dydd Llun 8fed Chwefror 2010
Gwerthusiad Holiadur Cyn-Gymhwyso (PDF)
Cwestiwn 1:
Ydych chi'n gallu darparu fersiwn Word o'r Ffurflen Gais sydd ar hyn o bryd mewn fformat PDF neu a oes hawl gennym i ail-greu'r ddogfen ein hunain gan sicrhau ein bod ni'n ateb y cwestiynau yn eglur ac yn yr un drefn?
Ateb 1:
Gall Ymgeiswyr ail-greu'r Ffurflen Gais ond cyfrifoldeb yr Ymgeiswyr ydy sicrhau nad oes unrhyw ran o'r Ffurflen Gais yn cael ei golli a bod yr holl wybodaeth a ofynnwyd amdani wedi'i amgáu o dan y penawdau perthnasol ac yn y drefn gywir. Mae'r Ffurflen Gais ar gael mewn ffurf 'Word' ar gais, fodd bynnag fel y nodwyd uchod, cyfrifoldeb yr Ymgeisydd ydy sicrhau nad oes unrhyw ran o'r Ffurflen Gais yn cael ei golli neu ei ddileu a bod yr holl wybodaeth a ofynnwyd amdani yn cael ei chyfleu yn y drefn gywir. Os ydy fersiwn 'Word' o'r ddogfen yn cael ei chreu neu ei chwblhau, dylai'r Ymgeiswyr sicrhau bod y datganiad ar ddiwedd y Ffurflen Gais wedi'i harwyddo a bod y Ffurflen Gais gyflawn yn cael ei sganio a'i danfon at S4C yn electronig. Gall unrhyw Ffurflen Gais anghyflawn gael ei heithrio o'r broses.
Cwestiwn 1
C. Oes yna ddogfen brisio i ddilyn neu a ydych yn derbyn ein fformat costio ar gyfer y tendr hwn?
A. Does yna'r un ddogfen brisio i ddilyn - rydym yn disgwyl i'ch fformat costio ar gyfer y tendr ddilyn y canllawiau a osodwyd yn y ddogfen Gwahoddiad i Dendro.
Cwestiwn 2
C. Yn ein barn ni mae'n bosib y bydd y Rheoliadau TUPE yn gymwys yn yr achos hwn, ac er mwyn inni roi ystyriaeth i'r Rheoliadau hyn yn ein tendr, rydym ni angen y wybodaeth ganlynol:
Bydd y wybodaeth a dderbynnir yn cael ei thrin yn gyfrinachol ac at ddefnydd y Cytundeb hwn yn unig.
A. Gweler y llythyr dyddiedig 20 Ebrill 2010 oddi wrth S4C ynghylch gwybodaeth am TUPE.
Cwestiwn 3
Q. Rydym yn credu y gall TUPE fod yn berthnasol i'r cytundeb hwn, felly a allwch chi gyflenwi manylion cyswllt y deiliaid presennol neu os gwneir y gwaith yn fewnol, a allwch ddarparu'r holl fanylion am yr holl staff a gyflogir?
A. Gweler y llythyr dyddiedig 20 Ebrill 2010 oddi wrth S4C ynghylch gwybodaeth am TUPE.
Cwestiwn 4
C. A allwch ddweud wrthyf a yw'r glanhau trwyadl iawn o'r offer cegin i'w cynnwys yn ein pris?
Os felly, a allwch anfon rhestr o'r offer sy'n cael eu glanhau yn ardal y gegin ar hyn o bryd.
A Gweler paragraff 2.2.16 o atodlen 1 o'r cytundeb drafft. Bydd disgwyl i'r Cwmni i ymgymryd â gwaith glanhau trwyadl iawn yn yr ardaloedd a restrir, sy'n cynnwys ardal y gegin, bob 6 mis. Bydd y gwaith hwn yn cael ei gynnwys yn y pris.
Mae disgwyl i'r canlynol gael eu glanhau fel rhan o'r gwaith glanhau trwyadl iawn bob 6 mis yn y gegin:-
Llawr finyl, sinciau a thapiau golchi dwylo, waliau teils, biniau gwastraff/ailgylchu, sgriniau pry, siliau ffenestr, lloriau (gwaith paent, gwydr a phlatiau troed), darparydd tyweli papur, byrddau neges, matiau rwber diogelwch, mat drws, cyfarpar nwy, poptai combi x2 a theils nenfwd.
Nodwch y dylai'r cyfeiriad at baragraff 2.2.12 ym mharagraff 1.10.1 o Atodlen 1 yn y cytundeb gyfeirio yn hytrach at baragraff 2.2.16.
Yn ogystal â'r darpariaethau glanhau trwyadl iawn 6 misol, mae yna ddarpariaeth ym mharagraff 1.5.2 o Atodlen 1 o'r cytundeb lle mae S4C yn gofyn i'r Cwmni llwyddiannus ymgymryd â gwaith glanhau ar sail ad hoc o ardaloedd penodol o'r adeilad o fewn [8 awr] o'r amser y gwneir y cais. Mae manylion y glanhau trwyadl iawn /glanhau ad hoc yma yn cael eu rhoi i'r Cwmni llwyddiannus gan S4C cyn dechrau ar y gwaith. Dylai'r rhai sy'n tendro ddarparu manylion o'r gost o wasanaethau glanhau trwyadl iawn /glanhau ad hoc fel y gofynnir yn C.2 y ddogfen Gwahoddiad i Dendro a dylai gynnwys cyfradd yr awr gan wahaniaethu rhwng cyfraddau gweithio yn ystod oriau'r dydd, gyda'r hwyr, y penwythnos a gwyliau banc.
Cwestiwn 5
C. A allwch ein cynghori ar y canlynol;
Nifer y bleindiau yno - y rheini'n fleindiau gwyn metel a ffibr polyester.
A. Mae yna oddeutu 130 bleind. Fe all hyn newid ar ôl y gwaith adnewyddu ar yr adeilad.
Rydym yn deall bod angen glanhau'r fentiau aer bob 6 mis, a ellir cyrraedd y rhain o'r llawr gyda dwster plu neu gyda vacuum pac cefn os ydynt yn uwch i fyny?
A. Gellir cyrraedd y rhain gyda dwster telesgopig.
Hoffem drefnu ymweld â'r safle er mwyn cynnig pris ar gyfer y gwaith glanhau trwyadl iawn yn y gegin. A allwch gadarnhau a yw hyn yn bosibl fel y gallaf wneud y trefniadau angenrheidiol a dychwelyd atoch gydag amser a dyddiad ar gyfer yr ymweliad?
A. Yn anffodus, ni fydd yn bosibl trefnu ymwelid safle arall er mwyn ichi baratoi pris ar gyfer glanhau trwyadl iawn o'r gegin. Gweler ein hateb i Gwestiwn 4 uchod.
Cwestiwn 6
C. Yn wyneb eich llythyr dyddiedig 20fed Ebrill 2010 ynghylch gwybodaeth TUPE, os nad yw'r wybodaeth yma ar gael, bydd yn rhaid inni gyflwyno dyfynbris masnachol a fydd yn caniatau inni, os ydym yn llwyddiannus yn ein cais, ailedrych ar ein pris ar ôl derbyn y wybodaeth TUPE. Yng ngoleuni hyn, a allwch gadarnhau eich bod yn dymuno inni fwrw ymlaen â'ch proses dendro?
A. Ewch ati i gyflwyno dyfynbris masnachol. Wrth gyflwyno manylion ar gyfer eich ffi am y gwasanaeth, diystyrwch unrhyw gostau TUPE posibl. Dim ond i'r ymgeisydd llwyddiannus y byddwn yn darparu gwybodaeth TUPE. Bydd y tendrwr llwyddiannus yna'n cael cyfle i ailedrych ar y pris yng ngoleuni'r wybodaeth TUPE.
Mae cwmni Capital Law wedi ennill mewn cystadleuaeth agored tendr S4C i ddarparu fframwaith polisïau a gwasanaeth cyflogaeth ar gyfer y sector annibynnol.
Bydd y cytundeb dwy flynedd o hyd yn sicrhau bod y cwmnïau cynhyrchu annibynnol yn cael cefnogaeth er mwyn cydymffurfio â gofynion polisïau a hawliau S4C, a sicrhau amodau gwaith teg a rhesymol ar draws y sector.
Meddai Elin Pinnell, Partner gyda Capital Law ac arweinydd tîm cyflogaeth y cwmni, "Mae Capital Law yn gwbl gefnogol o nod S4C o sicrhau amgylchedd gwaith teg i gyflogedigion y sector cynhyrchu annibynnol ac edrychwn ymlaen at fynd i'r afael â'r cytundeb newydd." Bydd Siôn Clwyd Roberts yn ymuno â Capital Law o ITV Cymru ac yn cydweithio gydag Elin ac Iestyn Morris ar y cytundeb.
15 Ionawr 2010
Gwahoddiad i Dendr Gwasanaeth Cymorth S4C (PDF)
Dyddiad Cyhoeddi: 16 Tachwedd 2009
Mae S4C Rhyngwladol yn gwahodd ceisiadau am drwyddedau i ymarfer Hawliau Marsiandïaeth yn y Rhaglenni a Chymeriadau Cyw a Sam Tan.
Gwahoddiad am geisiadau i greu a gwerthu marsiandïaeth (PDF)
Cwestiwn 1:
Mae'r ddogfen Tendr yn nodi bod cwmnïau yn cyfleu y tendr yn electroneg. Oes modd danfon copïau caled o gyfrifon y cwmni am y ddwy flynedd ddiwethaf drwy'r post?
Ymateb 1:
Mae'n dderbyniol i chi ddanfon y cyfrifon yn y post at sylw Mr Owain Jones, S4C, Parc Tŷ Glas, Llanishen, Caerdydd gan nodi "Cyfrinachol" ar yr amlen.
13 Tachwedd 2009
Cwestiwn 1:
Mae'r Gwahoddiad i Dendr (paragraff 1.6.3) yn nodi'r angen i gyflwyno 'Tystiolaeth ysgrifenedig o gefnogaeth i'r ymgeisydd er mwyn galluogi iddo fod yn gynrychioladol o'r holl gwmnïau cynhyrchu'.
a) A oes angen cyflwyno cefnogaeth i'n cais ni gan bob un o'r cwmnïau cynhyrchu?
b) A oes angen i'r dystiolaeth ysgrifenedig ddweud bod y cwmni yn hapus ein bod ni yn cynrychioli'r cwmni hwnnw?
Ymateb 1:
a) Mae S4C wedi nodi yn glir ym mharagraff 1.3 bod disgwyl i'r ymgeisydd llwyddiannus 'ddarparu gwasanaeth sydd yn gynrychioladol o'r holl gwmnïau cynhyrchu'. Mae'r meini prawf er mwyn gwobrwyo'r cytundeb hefyd yn cyfeirio at allu'r gwasanaeth arfaethedig i fod yn 'Wasanaeth cynrychioladol ar gyfer y cwmnïau cynhyrchu a gomisiynir gan S4C'. Anogir ymgeiswyr i geisio sicrhau cefnogaeth yr holl gwmniau cynhyrchu.
b) Mae angen i gwmnïau cynhyrchu gadarnhau eu cefnogaeth i'r ymgeisydd, a nodi eu bodlonrwydd am allu'r ymgeisydd i gyfarfod â'u gofynion nhw ac S4C am wasanaeth o'r fath.
Cwestiwn 2:
Noder fod cyfanswm o 47 cwmni wedi eu rhestru fel aelodau TAC ar hyn o bryd. Oes modd i chi ddarparu amcangyrfif o'r nifer o gwmniau cynhyrchu annibynnol sydd yn gysylltiedig a'r gwasanaeth a chyfanswm nifer y rhai a gyflogir? Oes modd i chi roi amcangyrfif i ni o'r nifer o gontractwyr/cyfranwyr a gyflogir gan y cwmniau cynhyrchu annibynol?
Ymateb 2:
Comisiynir oddeutu 34 o gwmnïau cynhyrchu yn flynyddol gan S4C. Mae rhai yn gwmnïau grŵp. Mae union nifer y cwmnïau yn amrywio o flwyddyn i flwyddyn ond mae'r cyfanswm wedi bod yn weddol gyson ers 2002. Mae'r cwmnïau sydd yn darparu cynnwys i S4C yn gallu bod yn aelodau o TAC a/neu PACT.
Mae data a manylion ychwanegol mewn perthynas â'r sector - y sector greadigol yng Nghymru a'r cwmniau sydd yn cyflenwi i S4C - ar gael ar y linc isod. http://www.s4c.co.uk/abouts4c/annualreport/acrobats/adroddiad-blynyddol-s4c-annual-report-2008.pdf http://www.s4c.co.uk/abouts4c/corporate/pdf/adroddiad_economaidd_s4c_2007.pdf http://www.skillset.org/uk/cymru/industry_sectors/article_6852_2.asp
Cwestiwn 3:
Dyw'r tender ddim yn cyfeirio at faterion cynhennus. Oes modd cadarnhau os gwelwch yn dda os yw'r gwasanaeth i gynnwys cynrychiolaeth cyfreithiol?
Ymateb 3:
Bwriad y gwasanaeth yw darparu fframwaith rhagweithiol sydd yn cefnogi a chynghori'r sector yn eu gweithgareddau - gan gynnwys sefydlu a chefnogi trefniadau datrys anghydfodau. Fodd bynnag nid yw'n fwriad cynnwys unrhyw gostau cyfreithiol mewn cysylltiad â threfniadau o'r fath yn y cytundeb. Byddai'r fath gostau yn fater i'r cwmnïau cynhyrchu yn unigol.
Cwestiwn 4:
Os yw'r tendr yn cael ei wobrwyo i ymgeisydd newydd, yna a fydd gan y gwasanaeth newydd unrhyw hawl i ddefnyddio deunydd a ddarperir ar hyn o bryd gan TAC dan eu cytundeb presennol? Os felly, pa drefniadau sydd yn berthnasol er mwyn caniatau i'r contractiwr newydd dderbyn yr holl wybodaeth.
Ymateb 4:
Mae'r cytundebau gyda'r undebau talent wedi eu trafod yn ddiweddar i ystyried effaith darfyddiad y gwasanaeth analog yng Nghymru. Bydd y trefniadau hawliau newydd yn cael eu hadlewyrchu yn y cytundebau hyn.
Os yw'r cytundeb yn cael ei wobrwyo i ymgeisydd newydd yna bydd angen cadarnhau'r trefniadau i sicrhau gweinyddiad di-dor y cytundebau gyda'r undebau. Byddwn hefyd yn ystyried yr angen am gyfnod trawsnewid, i hwyluso trosglwyddiad y trefniadau a'r cyfrifoldebau.
Cwestiwn 5:
Allwch chi gadarnhau os gwelwch yn dda, fod modd i gwmnïau cynhyrchu gynnig eu cefnogaeth i fwy nag un ymgeisydd?
Ymateb 5:
Rydym eisoes wedi nodi y dylai ymgeiswyr geisio sicrhau cefnogaeth yr holl gwmnïau cynhyrchu. Nid ydym yn rhagdybio y bydd y gefnogaeth honno yn ecsgliwsif i un ymgeisydd. Fodd bynnag, rydym yn rhagdybio y bydd cwmnïau yn cynnig eu cefnogaeth dim ond mewn sefyllfa lle mae nhw'n fodlon o allu'r ymgeisydd i gyfarfod â'u gofynion nhw ac S4C am wasanaeth o'r fath.
Cwestiwn 6:
At bwrpasau diwydrwydd, os modd i chi roi manylion am bersonél y darparwr gwasanaeth presennol, gan gynnwys niferoedd staff, dyddiadau cyflogaeth, nifer y blynyddoedd o gyflogaeth barhaol, cyflogau a buddiannau eraill, cyfnodau rhybudd ac unrhyw delerau perthnasol arall.
Ymateb 6:
Mae'r cytundeb presennol yn dirwyn i ben ar y 31/12/2009. Mae sgôp y gwasanaeth sydd i'w ddarparu dan y tendr hwn yn wahanol, ac mae gwerth y cytundeb yn sylweddol is.
Fel sydd wedi ei nodi yn rhan 3.9 o'r gwahoddiad i dendr, mae'r cwestiwn a yw TUPE yn weithredol ai peidio yn fater cyfreithiol, a bydd rhaid i ymgeiswyr ystyried a cheisio eu cyngor eu hunan. Er gwybodaeth yn unig, deallwn fod tri aelod o staff llawn amser yn gyflogedig gan y sefydliad.
Dylai'r holl ymgeiswyr nodi'r holl ragdybiaethau mewn cysylltiad â chostau trosglwyddo unrhyw staff, fel bod S4C yn glir am sail y cynnig. Cedwir yr hawl i gysylltu gydag unrhyw ymgeisydd gyda chwestiynau yn sgil y wybodaeth/nodiadau a ddarperir.
Mae YouGov wedi ennill mewn cystadleuaeth agored y tendr i ddarparu gwasanaethau ymchwil ansoddol ar gyfer S4C am dair blynedd o Ionawr 2010.
Mae S4C yn rhedeg tendr ar gyfer dylunio a gweithrediad datrysiad technegol a chaffaeliad cyfarpar yn gysylltiedig â Chyfleusterau Datblygu Manylder Uwch newydd. Mae'r tendr wedi ei hysbysebu yn Siwrnal Swyddogol yr Undeb Ewropeaidd gyda rhif OJEU 2009/S118-171028 a gellir cael gwybodaeth bellach am y tendr yma ar: http://ted.europa.eu/.
Y dyddiad olaf er mwyn i S4C dderbyn y Ffurflen Gais/Holiadur Cyd-gymhwyso wedi ei gwblhau yw canol dydd 28ain Gorffennaf 2009.
Cwestiwn 1:
Ydych chi'n gallu darparu fersiwn Word o'r Ffurflen Gais sydd ar hyn o bryd mewn fformat PDF neu a oes hawl gennym i ail-greu'r ddogfen ein hunain gan sicrhau ein bod ni'n ateb y cwestiynau yn eglur ac yn yr un drefn?
Ateb 1:
Gall Ymgeiswyr ail-greu'r Ffurflen Gais ond cyfrifoldeb yr Ymgeiswyr ydy sicrhau nad oes unrhyw ran o'r Ffurflen Gais yn cael ei golli a bod yr holl wybodaeth a ofynnwyd amdani wedi'i amgáu o dan y penawdau perthnasol ac yn y drefn gywir. Mae'r Ffurflen Gais ar gael mewn ffurf 'Word' ar gais, fodd bynnag fel y nodwyd uchod, cyfrifoldeb yr Ymgeisydd ydy sicrhau nad oes unrhyw ran o'r Ffurflen Gais yn cael ei golli neu ei ddileu a bod yr holl wybodaeth a ofynnwyd amdani yn cael ei chyfleu yn y drefn gywir. Os ydy fersiwn 'Word' o'r ddogfen yn cael ei chreu neu ei chwblhau, dylai'r Ymgeiswyr sicrhau bod y datganiad ar ddiwedd y Ffurflen Gais wedi'i harwyddo a bod y Ffurflen Gais gyflawn yn cael ei sganio a'i danfon at S4C yn electronig. Gall unrhyw Ffurflen Gais anghyflawn gael ei heithrio o'r broses.
Hoffai S4C wahodd cwmnïau i dendro i ymgymryd â darparu pymtheg grŵp trafod y flwyddyn, ar gytundeb tair blynedd o 1af Ionawr 2010. Fe amgaeir dogfennau tendro isod (Y ddogfen GID sy'n cynnwys matrics gwerthuso, a'r cytundeb ddrafft).
Y dyddiad olaf am ymholiadau yw 5pm ar 29 Gorffennaf 2009, a'r dyddiad cau am dderbyn ceisiadau yw 5pm ar 11 Medi, 2009.
Dylai pob ymholiad fod drwy ebost i - panel@s4c.co.uk
Gwahoddiad i dendro i ddarparu Gwasanaethau Ymchwil Ansoddol (PDF)
Tendr i ddarparu Gwasanaethau Ymchwil Ansoddol - Cytundeb (PDF)
Mae gennym gwestiwn am y GID ymchwil ansoddol. Deallwn na wyddoch chi eto gyda pha gynulleidfaoedd byddwch yn trafod ar gyfer yr ymchwil, ond gobeithiwn y gallwch ddweud wrthym am astudiaethau eraill o'r gorffennol er mwyn i ni gael arweiniad. Yn benodol:
Cwestiwn 1:
Pa gynulleidfa oedd yr hawsaf i'w cyrraedd? Hynny yw, pa rai oedd hawsaf i'w darganfod o bersbectif recriwtio?
Ateb 1:
Darganfod gwylwyr/pobl nad sy'n wrthun i raglenni cwis (ar unrhyw sianeli)- Siaradwyr Cymraeg.
Cwestiwn 2:
Pa gynulleidfa oedd yr anoddaf i'w cyrraedd? Hynny yw, pa rai oedd anoddaf i'w darganfod o bersbectif recriwtio?
Ateb 2:
Darganfod cartrefi gyda theledu analog yn unig, sy'n gwylio rhaglenni Cymraeg ar S4C, ac sydd yn bwriadu mudo i Deledu Daearol Digidol ar ôl Newid i Ddigidol.
Cwestiwn 3:
Ydych chi'n gallu rhoi enghreifftiau o bynciau a drafodwyd gan grwpiau trafod yn y gorffennol? Gallwch chi hefyd nodi ble gynhaliwyd y grwpiau?
Ateb 3:
Mae pynciau diweddar yn cynnwys trafod rhaglenni peilot, profi gwefannau, edrych ar chwaraeon penodol, neu genres rhaglenni penodol a darganfod anghenion y gynulleidfa. Fe gynhelir y grwpiau dros Cymru gyfan - Caerdydd, Abertawe, Llanbedr Pont Steffan, Pontypridd, Bangor, Abergele, Pwllheli, Rhuthun, Aberystwyth, Caerfyrddin ac Ystalyfera i enwi rhai llefydd diweddar.
Cwestiwn 4:
Mae'r GID yn son am 15 grwp trafod i gymeryd lle mewn blwyddyn. Ydych chi'n gallu rhoi amcan o faint o rhain fydd angen cymeryd lle fesul "set"? Mewn geiriau eraill, ydych chi'n disgwyl i'r 15 i gael eu rhannu i 5 set o 3 grwp trafod ar draws Cymru neu rywbeth tebyg?
Ateb 4:
Mae hyblygrwydd yn angenrheidiol yma, fel nodir yn y ddogfen tendr. Ar y funud rydym yn comisiynu 11 grwp mewn setiau o 2 & 1 ar draws y misoedd nesaf. Ar adegau eraill gall maint y setiau fod yn 3, 4 neu mwy.
Cwestiwn 5:
A fyddwch chi angen i'r holl grwpiau trafod gael eu trawsysgrifio?
Ateb 5:
Bydd disgwyl i chi gadw cofnodion o'r drafodaeth -gall hyn fod ar ffurf sain yn unig neu wedi eu trawsysgrifio.
Cwestiwn 6:
Rydych yn son am 'grwpiau gwylio' o hyd at 20 o bobl - o dro i dro. Ydych chi'n disgwyl i ni ddarparu adnoddau gwylio/sgrinio ochr yn ochr a'r grwp trafod?
Ateb 6:
Byddai disgwyl i chi drefnu adnoddau gwylio a sgrinio ond os mae hyn yn golygu cost ychwanegol gallwch nodi hyn.
Cwestiwn 7:
Rydych yn son fod grwpiau gwylio yn achlysurol yn cymeryd lle tu allan i Gymru, mewn pa ranbarthau neu siroedd ydych yn rhagweld hyn yn digwydd?
Ateb 7:
Mae'n anhebygol fydd hyn yn digwydd yn aml iawn, gall y rhanbarthau gynnwys ee Llundain neu ardaloedd y gororau (Cymru/Lloegr).
Cwestiwn 8:
Ydych chi'n rhagweld cynnal amrywiadau o'r grwpiau trafod i siaradwyr Iaith gyntaf a Dysgwyr? Hefyd gallwn ni rannu y grwpiau trafod fesul oedran, rhyw, dosbarth cymdeithasol, ayb… dull clystyru, fel sydd angen, neu ydych chi'n chwilio am ddull strata ym mhob grwp trafod?
Ateb 8:
Mae gan pob prosiect anghenion gwahanol, ond sefyllfa arferol yw os ein bod angen, dyweder, 6 grwp, gall y dosbarthiad fod : 2 yn Ne Cymru, 2 yn y Gorllewin/Canolbarth & 2 yng Ngogledd Cymru. Fel arfer fyddai rhain wedi eu pario o ran demograffeg, hy gall un grwp ym mhob rhanbarth fod yn cynnwys bobl o'r grwp oedran 16-34, gyda dosbarth cymdeithasol yn weddol eang, ac yn wylwyr o raglen penodol. Gall y grwp arall yn y rhanbarth fod yn bobl dros 35 oed, gyda dosbarth cymdeithasol yn weddol eang, ac yn wylwyr o'r un rhaglen. Gall fod fod angen recriwtio cyn-wylwyr o raglen penodol, neu unrhyw griteria arall.
Gallem ofyn i chi recriwtio siaradwyr Cymraeg sy'n Ddysgwyr ar gyfer rhai prosiectau, neu pobl Di-Gymraeg. Gallem hefyd ofyn i chi recriwtio pobl o lefelau rhuglder penodol.
Cwestiwn 9:
A allwn ni gymryd yn ganiataol mai dim ond un grwp a fydd ar gyfer pob lleoliad am bob set o grwpiau ffocws?
Ateb 9:
Nid yn angenrheidiol gan fydd anghenion pob prosiect yn unigryw. Petaech isio costio ar y sail hyn, nodwch hyn, a nodwch os oes arbediad cost petae mwy nac un grwp yn yr un lleoliad.
Cwestiwn 10:
Pan yn recriwtio grwpiau, beth fyddai diffiniad o siaradwr Cymraeg - a fyddai yr un peth a BARB?
Ateb 10:
Gallai' r diffiniad fod yr un peth a BARB, neu yn ddiffiniad syml o Gymraeg sgyrsiol, yn dibynnu ar anghenion y prosiect.
Cwestiwn 11:
Wrth redeg grwpiau, a fyddai'r iaith mae'r grwpiau'n defnyddio yn ddibynnol ar y mwyafrif neu a ddylai pob cyfrannwr fod yn rhydd i gyfnewid?
Ateb 11:
Mae'r mwyafrif o'r grwpiau yn cael eu cynnal yng Nghymraeg gyda siaradwyr Cymraeg a lefelau rhuglder amrywiol, mae nifer llai o grwpiau yn cael eu cynnal ymysg y di-gymraeg. Mae'r rhain fel arfer yn grwpiau arwahan.
Cwestiwn 12:
Gallwch chi ddweud wrthym am y cyfranddalwyr allweddol a'u hanghenion, er enghraifft byddai'r grwpiau yn cael eu defnyddio ar gyfer profi cysyniad, achosion gwerthu neu enrhifo'r farchnad?
Ateb 12:
Mae amrywiaeth eang o gyfranddalwyr a gall pynciau amrywio o edrych ar raglenni peilot a gwefannau newydd, at waith mwy corfforaethol.
Cwestiwn 13:
Bydd y newid i ddigidol a'i effaith ar S4C yn thema allweddol ar gyfer grwpiau trafod?
Ateb 13:
Ni ellir trafod pynciau unigol yn y fan hon.
Cwestiwn 14:
Ydych yn rhagweld defnyddio unrhyw dechnoleg arbenigol o fewn grwpiau trafod ar hyn o bryd, e.e. Teledu HD, PVR, Gwasanaethau Ar-Alw?
Ateb 14:
Efallai bydd gofynion tebyg, dwedwch eich syniadau wrthym.
Cwestiwn 15:
I ba raddau bydd diddordeb gennych i ddefnyddio dulliau dadansoddi arbenigol yn y grwpiau trafod, e.e. tracio'r llygaid, tracio symudiad llygoden?
Ateb 15:
Nodwch pa ddulliau y gallwch ddarparu, bydd hyn yn cael ei gynnwys yn ein hasesiad o'ch cais.
Cwestiwn 16:
Er mwyn penderfynu ymarferoldeb ac amcangyfrif cost yr ymarfer hwn, byddai'n ddefnyddiol gwybod:
Ateb 16:
Cwestiwn 17:
A allwch chi ddarparu esiampl o ddemograffeg y byddwch yn debygol o angen fel model ar gyfer seilio costau recriwtio.
Ateb 17:
Mae hyn yn amhosib ei ddarogan ar hyn o bryd. Awgrymwn eich bod amcangyfrif cymysgedd o wahanol ddemograffeg ar gyfer pwrpas costio.
Cwestiwn 18:
Byddai'n ddefnyddiol gwybod os ydych yn cynnal ymchwil meintiol ar y pynciau hyn drwy ffynonellau eraill, neu yn wir fyddai hyn yn ddatrysiad ychwanegol gwerthfawr i'ch briff.
Ateb 18:
Drwy ffigyrau gwylio BARB mae gennym ddata meintiol ar holl raglenni cyfredol, felly mae hwn pob tro yn ddata ychwanegol os ydym yn edrych ar raglenni teledu cyfredol. Ond, mewn rhai achosion, hwn fyddai'r unig ffynhonnell wybodaeth.
Cwestiwn 19:
Wrth ddarparu grwpiau trafod a fforymau gwylio traddodiadol, oes gofyn darparu fforymau iaith gymysg a fyddai angen cael eu cyfieithu yn syth?
Ateb 19:
Nid yw hyn yn cael ei wneud, mae grwpiau yn cael eu cynnal yn y Gymraeg neu'r Saesneg.
Mae Event Exhibition & Design Limited wedi ennill mewn cystadleuaeth agored y tendr i ddarparu a rheoli adeilad digwyddiadau dros dros ar gyfer S4C am y ddwy flynedd nesaf.
Mewn cais ar y cyd, mae JM Creative a Working Word Public Relations Cyf. wedi ennill mewn cystadleuaeth agored y tendr i ddarparu ymgyrch cyfathrebu trosiad i ddigidol ar gyfer S4C. Bydd yr ymgyrch cyfathrebu amlgyfrwng dwyieithog yn hyrwyddo gwasanaethau teledu digidol S4C yn arwain at, yn ystod a heibio'r broses trosiad i ddigidol yng Nghymru yn 2009/10. Bydd y cytundeb yn rhedeg o fis Ebrill 2009 hyd at fis Awst 2010.
Mae cwmni Acen wedi ennill mewn cystadleuaeth agored y tendr i ddarparu Gwasanaeth Dysgwyr Cymraeg S4C am y tair blynedd nesaf.
15-Ebr-2009
Rhybudd o fwriad i dendr (PDF)
Mae Event Exhibition & Design Limited wedi ennill mewn cystadleuaeth agored y tendr i ddarparu a rheoli adeilad digwyddiadau dros dros ar gyfer S4C am y ddwy flynedd nesaf.
Mae Trinity Mirror Gogledd Cymru Cyf wedi ennill mewn cystadleuaeth agored y tendr i ddarparu Gwasanaeth Amserlenni Teledu a Chyhoeddiad Golygyddol ar gyfer S4C yng Ngogledd Cymru am y tair blynedd nesaf.
Mae cwmni Galw wedi ennill mewn cystadleuaeth agored y tendr i ddarparu gwasanaeth Gwifren Gwylwyr S4C am y tair blynedd nesaf. Y Wifren Gwylwyr yw prif bwynt cyswllt gwylwyr S4C. Mae'n ymdrin ag ymholiadau cyffredinol yn ymwneud â gwasanaethau ac allbwn S4C.
Cwestiwn 1:
A wnewch chi gynghori ar sut i lenwi'r Ffurflen Gais? Mae'r briff yn awgrymu ein bod yn cwblhau'r ffurflen a ddarparwyd, fodd bynnag mae'r ffurflen ar ffurf PDF ac felly mae'n anodd. Ydych chi'n gallu darparu dogfen Word o'r PDF neu a oes hawl gennym i ail-greu cyflwyniad ein hunain gan sicrhau ein bod ni'n ateb y cwestiynau yn eglur ac yn yr un drefn?
Ateb 1:
Mae Ymgeiswyr yn gallu ail-greu'r Ffurflen Gais ond cyfrifoldeb yr Ymgeiswyr ydy sicrhau bod yr holl wybodaeth a ofynnwyd amdani wedi'i amgáu o dan y penawdau perthnasol. Mae dogfen Word ar gael ar gais, fodd bynnag fel y nodwyd uchod, cyfrifoldeb yr Ymgeisydd ydy sicrhau bod yr holl wybodaeth a ofynnwyd amdani yn cael ei chyfleu. Os ydy fersiwn Word o'r ddogfen yn cael ei chreu neu ei chwblhau, dylai'r Ymgeiswyr sicrhau bod y datganiad ar ddiwedd y Ffurflen wedi'i harwyddo a bod y Ffurflen Gais gyflawn yn cael ei sganio a'i danfon at S4C yn electronic.
Cwestiwn 2:
Ydych chi'n gallu cadarnhau os ydy enw'r ymgeisydd ar y PQQ yn cyfeirio at enw'r cwmni neu enw'r person sy'n ymgeisio ar ran y cwmni?
Ateb 2:
Mae enw'r ymgeisydd yn cyfeirio at enw'r cwmni.
Cwestiwn 3:
Ydych chi'n gallu cynnig gwybodaeth ychwanegol os gwelwch yn dda i egluro'r term 'rheolaeth digwyddiadau' yng nghyd-destun y tendr hwn gan S4C. "Mae’n rhaid i Ymgeiswyr feddu ar brofiad ac arbenigedd mewn rheoli digwyddiadau". Yn ogystal, yn rhan F. Sicrwydd Ansawdd o'r Ffurflen Gais, mae'r cwestiwn yn gorffen gyda'r term "...digwyddiadau yn cael eu cyflwyno mewn ffordd broffesiynol". Ydych chi'n gallu cadarnhau os ydy digwyddiadau yn yr un cyd-destun â'r term ' rheolaeth digwyddiadau' a nodwyd uchod. Os na, ydych chi hefyd yn gallu egluro ystyr y frawddeg hon.
Ateb 3:
Diffiniad S4C ydy rheolaeth gyflawn o ddigwyddiad, gan gynnwys ond heb ei gyfyngu at, gynllunio a datblygu, staffio, cysylltu gyda chyrff allanol, materion cytundebol a thrwyddedu, a chyflawni'r digwyddiad. Mae Rhan F yn gofyn am eglurhad o sut mae'r Ymgeisydd yn sicrhau ansawdd gwasanaeth mewn perthynas â rheolaeth digwyddiadau (fel sydd wedi diffinio uchod).
Mae Mediascene Cyf wedi ennill mewn cystadleuaeth agored y tendr i ddarparu gwasanaeth Rheoli Cronfa Ddata a Dosbarthu ar gyfer S4C am y tair mlynedd nesaf.
Mae'r Gwahoddiad i Dendro ("GID") hwn yn gwahodd tendrau oddi wrth bersonau/sefydliadau sydd â diddordeb mewn darparu gwasanaeth amserlenni teledu a chyhoeddiad golygyddol ar gyfer S4C, fel y'i ddisgrifir yn fanylach yn y GID hwn a'r cytundeb drafft sydd ynghlwm yn yr atodiad i'r GID hwn ('y Cytundeb Drafft').
Cliciwch ar y ddolen ganlynol i agor Polisi Iaith S4C. Os ydych am dderbyn manylion am bolisiau Cyfle Cyfartal a Chydraddoldeb Hiliol S4C anfonwch ebost at panel@s4c.co.uk.
Gwifren Gwylwyr ydi prif bwynt cyswllt gwylwyr S4C, gan ymdrin ag ymholiadau cyffredinol yn ymwneud â gwasanaethau ac allbwn S4C. Mae'r gwasanaeth yn cael ei rheoli gan Gyfarwyddiaeth Cyfathrebu S4C, yr adran sy'n gyfrifol am hybu pob agwedd o S4C. Fel rhan o'i ymrwymiad i gysylltu â gwylwyr, mae'n angenrheidiol fod S4C yn cynnig gwasanaeth gwbl ddwyieithog (Cymraeg a Saesneg), proffesiynol, cwrtais a llawn gwybodaeth i'r cyhoedd wrth ateb ymholiadau cyffredinol gwylwyr.
Mae'r gwasanaeth ar gael rhwng 09:00 a 22:00 yn ddyddiol, 365 diwrnod y flwyddyn. Ni ddylai cost galwadau'r gwylwyr fod yn fwy na'r gyfradd genedlaethol gyffredinol o fewn y DU. Yn ystod 2006 derbyniwyd 12,424 ymholiad dros y ffôn, e-bost, llythyron neu ffacs.
Mae'r gwasanaethau'n cynnwys cynnig ymateb addas i ymholiadau dros y ffôn, trwy e-bost, a gohebiaeth ysgrifenedig. Dylid ateb galwadau ffôn pobl gyda diffygion clyw trwy ddefnyddio Minicom. Rhaid i wybodaeth ac atebion i wylwyr gyfateb i bolisïau corfforaethol S4C. Mae cyfrifoldebau eraill yn cynnwys darparu adroddiadau i S4C ynglŷn ag ymholidau ac atebion, presenoldeb mewn digwyddiadau fel yr Eisteddfod Genedlaethol a chyfarfodydd cyhoeddus gyda'r gwylwyr.
"Oes hawl gan gonsortiwm wneud cynnig? Os oes, pa fanylion sydd eu hangen ar y ffurflen gais?"
Mae S4C yn derbyn ffurflenni cais a chynigion gan gonsortia. Fodd bynnag, os oes consortiwm yn cynnig tendr sy'n cael ei dderbyn gan S4C, gall S4C ofyn i'r consortiwm ffurfio endyd cynfreithiol cyn cytundebu. Gall fod gofyn am atebolrwydd cyd ac unigol holl aelodau'r consortiwm hefyd.
Os ydy'r Ymgeisydd yn gonsortiwm, rhaid cwblhau ffurflenni cais unigol i bob aelod o'r consortiwm a rhaid rhoi gwybod i S4C pwy ydy prif aelod y consortiwm.