Rhaglen 1

Uchafbwyntiau Rhaglen Un

Mae'r daith i Iwerddon wedi cychwyn.

Mae Dudley wedi bwyta ei ffordd drwy Gymru ac wedi dewis y deuddeg cystadleuydd.

Mae hefyd wedi trefnu dosbarthiadau meistri gwych ac wedi cael y cogyddion proffesiynol, Bryn Williams a Llinos Woods, i'w helpu ar y daith.

Ond gan mai cystadleuaeth yw hon, mae angen sialens hefyd.

Yr her wythnos yma oedd coginio draenog y môr a salsa.

Cafodd rhai dipyn o droeon trwstan yn y gegin tra roedd eraill yn serennu, ond mae'n rhaid dewis dau i fynd adref.

Yn camu drwy'r drws am adref oedd Iestyn o Bontypridd a Dylan o Fetws y Coed.

Buan iawn sylweddolodd y deg cystadleuydd oedd ar ôl nad gwyliau yw Tigh Dudley, ac mae'r gegin yn Llandrillo yn eu disgwyl unwaith eto!