Croeso i wefan Tocyn Penwythnos. Yn ystod y gyfres byddwn ni'n cynnig syniadau am ddinasoedd i ymweld â nhw ar benwythnosau i ffwrdd ym Mhrydain ac Ewrop.
Aled Samuel ac Alex Jones fydd wrth y llyw, a bydd y ddau'n aros mewn detholiad o westai amrywiol o ran pris, ac yn darganfod rhai o'r atyniadau sydd ar gael i ymwelwyr. Yn ymuno â nhw ar bob taith, bydd teulu neu gwpl, a byddwn ni'n rhannu eu hargraffiadau nhw o'r ddinas dan sylw.
Yn ystod y gyfres byddwn yn ymweld â 6 dinas sydd o fewn pellter cyrraedd hawdd i ni yng Nghymru: Caerdydd, Lerpwl, Berlin, Llundain, Glasgow a Palma, yn y drefn honno.
Oriel
Rhaglenni
-
Nadolig - Lapland UK
Y Gwestai
Aled
Seld in the City - fflat Soffia
Fflat hunanarlwyo soffistigedig gyda dwy ystafell wely, lolfa a chegin wedi ei lleoli ar un o ffyrdd mwyaf adnabyddus Caerdydd, Heol y Gadeirlan. Mae'r lleoliad yn gyfleus iawn i chi fwynhau'r cyfan sydd gan Gaerdydd i'w gynnig.
LLETY
Alex a theulu Wynne
Gwesty'r Royal Wells
Roedd gwesty 4 seren y Royal Wells yn Royal Tunbridge Wells yn un o hoff leoliadau'r Frenhines Fictoria, lle bu'n ymweld yn gyson pan oedd yn dywysoges ifanc. Mae'r teitl brenhinol o ganlyniad i ymweliadau'r frenhines. Yn ddiweddarach rhoddodd y defnydd o'i harfbais i'r adeilad sydd bellach yn cael ei harddangos yn falch ar dô'r adeilad.
Mae gan y gwesty hwn 23 ystafell wely en-suite moethus; pob un wedi eu cynllunio'n unigol ac wedi ei ddodrefnu gan hen ddodrefn.
ATYNIADAU
Alex a theulu Wynne
'Lapland UK'
Oriau agor: 4 Rhagfyr - 24 Rhagfyr 2010 9:00 - 22:00
Mae Lapland UK yn ail gread o famwlad Arctig Siôn Corn wedi ei leoli ar ystad Bewl Water yng Nghaint, 40 milltir o ganol Llundain. Mae'r profiad yn un hudolus, lle gall teuluoedd Brofi cred plentyn yn stori Siôn Corn.
Mae Lapland UK yn deillio o uchelgais i greu hud y Nadolig i blant mewn modd mwy amgylcheddol na theithio i begwn y Gogledd. Trwy ddarparu profiad Siôn Corn o safon uchel ym Mhrydain, gall plant fwynhau taith diwrnod Nadoligaidd heb y milltiroedd o deithio.
Mae'r gweithgareddau'n cynnwys:
Ymweld â'r ffatri deganau, helpu Mam Corn yn ei chegin, ymweliad â'r Arddangosfa Sami, cyfarfod cŵn hysgi, postio llythyrau yn swyddfa bost Pegwn y Gogledd, sglefrio iâ ac wrth gwrs, cwrdd â Siôn Corn
LLETY
www.santa-holidays.com/resortpyha.php
Mae cyrchfan Pyha yn cynnig nifer wahanol fathau o lety
Aled
Dewisodd Aled ystafell ym mhrif westy'r gyrchfan lle mae'r bwyty wedi ei leoli. Mae'r gwesty yn cynnwys amrywiaeth o ystafelloedd ar gyfer 2 neu 3 o bobl ac ychydig o ystafelloedd sy'n addas i deulu hyd at 4 o bobl.
Mae hwn yn ddewis da os ydych yn dymuno hwyluso'ch arhosiad
Teulu'r Brown
Dewisodd teulu'r Brown gaban pren agored sy'n addas i deuluoedd 3 i 6 o bobl. Mae gan bob caban sawna ac ystafelloedd ymolchi gyda chawod. Mae bob caban tua 5 i 10 munud o gerdded o fwyty'r gwesty.
ATYNIADAU
Aled a theulu'r Brown
Tri diwrnod o drysorau Lapdir
Mae teithiau i Lapdir yn hedfan o'r rhelyw o feysydd awyr rhanbarthol, ond os yn mynd ar wyliau o ddau ddiwrnod neu fwy i Lapdir, fydd hi ddim ond yn bosib hedfan o Gatwick, Stansted neu Fanceinion.
Hedfan o Gatwick i faes awyr Rovaniemi - amser teithio tua 3 ½ awr.
Mae taith o Faes Awyr Rovaniemi i Pyha tua 1 awr 40 munud.
Mae'r antur tri diwrnod yn cynnwys reidiau ceirw, hysgi a skidoo a chyfarfod Siôn Corn a'i ellyllon.
Gan y gall amodau tywydd Arctig arwain at gamerâu fideo yn rhewi mae'r cwmni yn cynnig DVD personol o'ch taith a'ch profiad yn Lapdir.
-
1/ Caerdydd
Y Gwestai
Aled
Seld in the City - fflat Soffia
Fflat hunanarlwyo soffistigedig gyda dwy ystafell wely, lolfa a chegin wedi ei lleoli ar un o ffyrdd mwyaf adnabyddus Caerdydd, Heol y Gadeirlan. Mae'r lleoliad yn gyfleus iawn i chi fwynhau'r cyfan sydd gan Gaerdydd i'w gynnig.
Alex
Nos Da
Mae Nos Da yn ddewis perffaith i unrhyw un sydd â chyllideb fechan ac sydd eisiau cymdeithasu mewn man canolog ym mhrifddinas Cymru. Mae'r hostel ar lan yr afon Taf yng nghysgod Stadiwm y Mileniwm. Trawsnewidiwyd Nos Da o westy dwy seren i hostel 5 seren gydag ystafelloedd en suite a champfa.
Y Teulu McKee
Gwesty "Big Sleep Hotel"
02920 636 363
Mae gwesty Big Sleep yng nghanol Caerdydd gyferbyn â chanolfan siopa Dewi Sant 2. Mae'r gwesty o fewn pellter cerdded i nifer o lefydd bwyta ac atyniadau'r ddinas. Mae'r gwesty wedi ei anelu at y sawl sydd eisiau gwesty cyfforddus a chyfleus am bris gymharol rad. Mae gan bob ystafell deledu sgrin fflat, wi-fi, adnoddau te a choffi, a chynigir brecwast cyfandirol am ddim.
Nid yw S4C yn gyfrifol am gynnwys unrhyw wefannau allanol
YR ATYNIADAU
Aled
Canolfan feiciau "Pedal Power"
Gwasanaeth llogi beiciau ym Mhontcanna sydd ar agor i'r cyhoedd 7 diwrnod yr wythnos. Gellir llogi beiciau o wahanol faint i ddynion, merched a phlant ynghyd â seddi i fabanod, a beiciau arbennig eraill.
Swyddfa Pontcanna (02920) 390713
Swyddfa Bae Caerdydd (07775) 616411
Llwybr y Taf
Llwybr 55 milltir (88km) o hyd ar gyfer cerddwyr a seiclwyr. Yng Nghaerdydd mae'n mynd o lannau'r Bae ar hyd corridor y Taf at Dongwynlais.
Castell Coch
www.wales360.co.uk/castell_coch
Castell 'Tylwyth Teg' o ddiwedd y bedwaredd ganrif ar bymtheg, wedi ei adeiladu ar weddillion o'r Canol Oesoedd, wedi ei gynllunio ar gyfer trydydd marcwis Bute gan William Burges.
Eglwys Gadeiriol Llandaf
Lleolir Eglwys Gadeiriol Llandaf yn Llandaf. Hi yw'r unig gadeirlan Anglicanaidd yn y brifddinas. Cynhelir gwasanaeth dyddiol. Mae'r siop ar agor o 10am-4pm bob dydd.
Castell Caerdydd
Canolfan y Mileniwm
Mae teithiau tywys o gwmpas y Ganolfan yn rhedeg yn ddyddiol ac yn para 1 awr. Mae'r niferoedd yn gyfyngedig, felly awgrymir ffonio i neilltuo lle ar 029 2063 6464
Alex
Marchnad Caerdydd
Mae Marchnad Caerdydd wedi ei lleoli yng nghanol bywiogrwydd a chyffro dinas Caerdydd. Mae dwy fynedfa, y naill ar Heol Eglwys Fair a'r llall yn Heol y Drindod gyferbyn ag Eglwys Sant Ioan. Mae'r farchnad yn cynnig amryw o stondinau a chynnyrch gwahanol o dan yr un to.
Am fwy o fanylion, ffoniwch 02920 871214
Bws taith y ddinas
Y daith: City Sightseeing Caerdydd
Man cychwyn Castell Caerdydd
Canolfan y Celfyddydau Chapter
Mae Canolfan Chapter wedi ei lleoli yn ardal Treganna. Mae'n un o ganolfannau celfyddydau mwyaf Ewrop, gyda sinemâu, oriel gelf, bwyty, bar a dros 60 o ystafelloedd ar gyfer gwaith diwylliannol.
Am oriau agor a'r rhaglen ddiweddaraf, cysylltwch â 02920 304440
Marchnad y Ffermwyr
Cynhelir bob dydd Sul o 10am-2pm ar Fitzhamon Embankment yn ardal Glanrafon y ddinas, gyferbyn â Stadiwm y Mileniwm.
Y Teulu McKee
Y Senedd
Bws dŵr
Cysylltwch â'r wefan am fanylion pellach ac am amserlen y teithiau o Fae Caerdydd i Benarth ac i ganol y ddinas - 029 2047 2004
Bay Island Voyages
Am daith llawn cyffro a hwyl ymunwch a thaith yn un o gychod cyflym Bay Island Voyages o Fae Caerdydd.
Cysylltwch â'r wefan am fanylion pellach neu ffoniwch 01446 420692
Stadiwm y Mileniwm
Gellir cael teithiau tywys o gwmpas Stadiwm y Mileniwm.
Techniquest
029 20 475 475
Bwyd:
The Vegetarian Food Studio
www.vegetarianfoodstudio.co.uk
109 Penarth Road
Caerdydd
CF11 6JT
(029) 2023 8222Café Minuet
Café Minuet
42 Arced y Castell
Caerdydd CF10 1BW
Rhif Ffôn: 029 2034 1794Nid yw S4C yn gyfrifol am gynnwys unrhyw wefannau allanol
-
2/ Lerpwl
Y Gwestai
Billy ac Olive
Hard Days Night Hotel
0151 2361964
Mae'r Hard Days Night Hotel yn westy 4 seren â 110 o ystafelloedd gwely. Ysbrydolwyd thema'r gwesty gan y Beatles, ac mae'r adeilad rhestredig, sy'n dyddio o 1884, wedi ei leoli drws nesaf i'r Cavern Club enwog.
Ar un adeg roedd hon yn ardal fasnachol bwysig, a bu' adeilad urddasol yn gartref i sawl menter lewyrchus pan oedd Lerpwl yn un o brif borthladdoedd rhyngwladol y byd. Erbyn heddiw, mae'r gwesty 'n arddangosfa i gasgliad o waith celf a ffotograffau gan y Beatles a'u cyfoedion.
Rhai o sylwadau Billy ac Olive am y gwesty oedd "Waw!"… "Dwi 'rioed 'di gweld lle 'run fath ag o"… "Mae'r gwesty yma'n anhygoel"… "Mae'n anfarwol yn tydi?!" Rhoddodd y ddau farc o 10/10 am y penwythnos yn Lerpwl. Dywedodd Olive y buasai wedi rhoi sgôr o 20 tasai hi'n gallu.
Alex
62 Castle St
0151 702 7898
Mae'r gwesty "boutique" yma yng nghanol ardal fusnes a bywyd nos cosmopolitaidd y ddinas. Yn ôl The Sunday Times Travel Magazine mae'n un o'r 100 lle gorau i aros ym Mhrydain.
Aled
Hotel Novotel Liverpool
0151 702 7898
Mae'r Hotel Novotel Liverpool yn westy 4 seren yng nghanol y ddinas gyda siopau, atyniadau a bywyd nos y ddinas ar drothwy'r drws. Mae gan y gwesty 209 o ystafelloedd gyda chyfleusterau wi-fi a theledu lloeren. Mae gan y gwesty bwll nofio a champfa.
Nid yw S4C yn gyfrifol am gynnwys unrhyw wefannau allanol
Atyniadau
Billy ac Olive
Fab Cabs of Liverpool
(0151) 909 1964
Mae Fab Cabs of Liverpool yn cynnig teithiau tacsi o gwmpas rhai o'r prif lefydd sy'n gysylltiedig â'r Beatles. Mae'r teithiau'n para hyd at dair awr, a gall hyd at 5 o bobl fynd ym mhob tacsi.
Yn ystod y daith bydd digon o gyfle i dynnu lluniau, gan gynnwys ymweliadau â chyn-gartrefi'r Beatles, eu hysgolion, a'u mannau geni. Ymwelir hefyd â rhai o'r llefydd sydd wedi eu hanfarwoli yng nghaneuon y Beatles, e.e. Strawberry Fields, Penny Lane a bedd Eleanor Rigby. Mae'r teithiau'n costio o £50 ar gyfer 1-3 o bobl, ac ar gael saith diwrnod yr wythnos.
Radio City Studio Tours
www.radiocity.co.uk/towertours
(0151) 472 6800
Mae Radio City yn un o orsafoedd radio mwyaf llwyddiannus Prydain, a chynigir teithiau o gwmpas yr adeilad. Mae'r tŵr yn 138m o uchder ac o'r oriel ymweld ceir golygfeydd godidog o'r ddinas, Glannau Merswy, gogledd Cymru a thu hwnt.
Cavern Club
0151 236 1965
Y Cavern Club yw'r clwb enwocaf yn y byd, ac mae ar agor o 11:00y.b bob dydd.
Mae'r bar yn gweini coffi, diodydd meddal ac alcohol, ac mae croeso i deuluoedd ymweld tan 7:00y.h.
Western Approaches
0151 227 2008
Y Western Approaches yw cyn-bencadlys tanddaearol yr Ail Ryfel Byd, ac ar y safle gwreiddiol roedd dros 50,000 troedfedd sgwar o goridorau ac ystafelloedd.cudd. Erbyn hyn mae cyfran o'r safle wedi ei ail-adeiladu a'i adfer fel ag yr oedd yn ystod cyfnod y rhyfel.
Aled
Y Fferi dros y Merswy
(0151) 909 1964
Gellir cael teithiau cwch ar hyd yr afon bob awr o Pier Head Lerpwl, Seacombe a Woodside ar benrhyn y Wirral.
Gellir dechrau'r daith yn unrhyw un o'r dair canolfan, ac mae tocyn dwy ffordd yn eich galluogi i ddod oddi ar y cwch a pharhau â'r daith yn nes ymlaen.
Maritime Museum
www.liverpoolmuseums.org.uk/maritime
0151 478 4393
Mae'r Amgueddfa Forwrol yn ardal Doc Albert yn cynnig cipolwg ar rôl ganolog Lerpwl fel un o'r prif borthladdoedd i'r "Byd Newydd". Ymhlith yr uchafwbyntiau eraill ceir hanesion am drychinebau a ddigwyddodd ar y môr megis y Titanic, a stori'r Llynges Fasnachol.
Walker Gallery
www.liverpoolmuseums.org.uk/maritime
0151 478 4199
Y Walker Gallery yw Oriel Genedlaethol gogledd Lloegr, ac mae'n gartref i gasgliad arbennig o gelfyddyd cain sydd gyda'r gorau yn Ewrop.
Alex
Eglwys Gadeiriol Lerpwl
0151 709 6271
Mae dwy eglwys gadeiriol yn Lerpwl, wrth gwrs. Yr un Anglicanaidd wnaethon ni ymweld â hi. Eglwys Gadeiriol Lerpwl yw'r mwyaf ym Mhrydain, ac mae hefyd yn un o bump fwyaf y byd. Cwblhawyd y gwaith arni yn 1978 ar ôl 74 mlynedd o lafur caled mewn cyfnodau o ddirwasgiad a chaledi.
Derbyniodd yr Eglwys Gadeiriol wobr am fod yr atyniad mawr gorau i ymwelwyr yn Lerpwl yn 2009.
Liverpool One
0151 232 3100
Mae Liverpool One yn ganolfan siopa a hamdden enfawr sy'n cynnwys 160 o siopau, dros 20 o fariau a thai bwyta, sinema 14 sgrin, a pharc 5 erw.
Liverpool FC
Mae'r daith hon yn mynd â chi tu ôl i'r llenni i Stadiwm Anfield. Gellir ymweld â'r ystafelloedd newid, eistedd yn rhai o seddi gorau'r stadiwm, cerdded drwy'r twnnel a mwynhau phrofiad rhyngweithiol yn Ystafell y Wasg.
Mae teithiau'n cychwyn bob 15 munud mewn cyfnodau prysur.
Bwyd:
Alma De Cuba
(0151) 702 7394
The Pumphouse
(0151) 709 2367
Nid yw S4C yn gyfrifol am gynnwys unrhyw wefannau allanol
-
3/ Berlin
Y Gwestai
Aled
Hotel Adlon Kempinski
00 49 30 2261 0
Mae gwesty'r Adlon Kempinski wedi ei leoli yng nghanol Berlin. Mae'n sefyll ger y Giât Brandenburg a'r rhodfa enwog, Unter den Linden. Mae'r gwesty o fewn tafliad carreg i'r Reichstag, ac o fewn hanner milltir i Potsdamer Platz.
Alex
Michelberger Hotel
00 49 30 29 77 85 90
Os ar gyllideb, mae'r gwesty newydd 3-seren hwn yn berffaith. Mae'n gyfleus at yr orsaf drên ganolog a maes awyr Schöenefeld. Mae pum math o ystafell sy'n cynnig amrywiaeth o gynlluniau felly mae dewis i bawb.
Elliw a Mared
Motel One Berlin-Urania
00 49 30 2363129 0
Mae'r gwesty 2 seren hwn wedi ei leoli yn ardal orllewinol y ddinas, ychydig funudau o gerdded o ardal werdd Berlin, y Tiergarten.
Rhai o sylwadau Mared ac Elliw am y gwesty oedd: "Mae hwn yn neis, mae e'n edrych yn reit grand"… "Dwi'n methu dod dros mai ond 2 seren yw'r gwesty 'ma". Rhoddodd y merched farc o 9/10 i'w penwythnos yn Berlin.
Nid yw S4C yn gyfrifol am gynnwys unrhyw wefannau allanol
Atyniadau
Aled
Kulturforum Berlin
00 49 30 266 42 42 42
Mae'r Kulturforum yn Berlin yn un o safleoedd diwylliannol pwysicach yr Almaen, ac mae'n gartref i nifer o sefydliadau, gan gynnwys oriel gelf ac amgueddfa. Mae'r Kulturforum yn agos at y Potsdamer Platz a Giât Brandenburg.
Giât Brandenburg
Comisiynwyd Giât Brandenburg gan Friedrich Wilhelm II i gynrychioli heddwch. Yn eironig, daeth y giât yn rhan o Wal Berlin yn ystod blynyddoedd y Llywodraeth Gomiwnyddol. Mae'r Giât yn sefyll heddiw fel symbol goffa ail-gyfuno'r ddinas.
Reichstag
00 49 30 22 73 21 52
Y Reichstag, safle senedd yr Almaen, yw un o adeiladau mwyaf hanesyddol Berlin. Mae e'n agos at Giât Brandenburg a chyn yr ail-uno, roedd nesaf at Wal Berlin. Ceir teithiau tywys o amgylch y Reichstag.
Checkpoint Charlie
Adeiladwyd Checkpoint Charlie fel rhan o Wal Berlin yn 1961, a hwn oedd y man croesi swyddogol rhwng Gorllewin a Dwyrain Berlin. Daeth yn symbol o'r Rhyfel Oer am ei fod yn rhannu dau hanner y ddinas. Heddiw mae'n atyniad i dwristiaid yn ardal Dahlem yn Berlin.
Alex
Schloss Charlottenburg
00 49 30 320 9144 0
Mae Schloss Charlottenburg, palas Baróc o'r ddeunawfed ganrif gynnar, wedi ei leoli yn ardal orllewinol Charlottenburg. Llosgwyd yr adeilad yn ulw yn ystod yr Ail Ryfel Byd, ond ers hynny mae wedi cael ei ailadeiladu'n gyfan gwbl. Adeiladwyd y palas gan Friedrich III yn 1699 fel tŷ haf i'w wraig, Sophie Charlotte. Hon yw'r ystâd frenhinol fwyaf yn Berlin.
East Side Gallery - Berlin Wall
Mae 'r oriel hon yn gorchuddio 1.3 km o Wal Berlin, ger canol y ddinas. Mae oddeutu 106 o ddarluniau gan artistiaid o bob cwr o'r byd yn gorchuddio'r gofeb. Hon yw oriel awyr-agored fwya'r byd.
Mared ac Elliw
Stern and Kreiz - taith ar gwch o gwmpas y ddinas
00 49 30 53 63 60 0
Mae teithio ar ddyfrffyrdd Berlin yn ffordd dda i weld rhai o olygfeydd mwyaf godidog y ddinas. Mae taith o amgylch y ddinas yn para tua 3 awr
Siopa - Kurfuerstendamm
Siopa - KaDeWe
00 49 30 2121 0
Bwyd:
Fassbender and Rausch Chocolatiers
00 49 30 20 45 84 43
Nid yw S4C yn gyfrifol am gynnwys unrhyw wefannau allanol
-
4/ Llundain
Y Gwestai
Aled
Easy Hotel
020 7706 9911
Mae'r easyHotel wedi ei leoli o fewn rhai munudau o gerdded o orsaf drên Paddington a gwasanaeth Heathrow Express. Mae'n gyfleus i'w gyrraedd o unrhyw le yng nghanol y ddinas ac mae'r prisiau'n rhesymol. Mae'n lleoliad delfrydol i ymweld ag atyniadau mwyaf poblogaidd Llundain.
Alex
Hoxton Hotel
020 7550 1000
Mae gwesty'r Hoxton, Llundain wedi ei leoli ar stepen drws ardal busnes Llundain, dafliad carreg o nifer o atyniadau, orielau a bwytai Llundain.
Roedd Hoxton unwaith yn ardal ddifywyd yn llawn adeiladau diwydiannol segur, ond daeth i'r amlwg yn y 1990au cynnar fel ardal gyffrous, ffasiynol ac artistig yn llawn bariau, clybiau, bwytai, cerddoriaeth a chanolfannau celfyddydol
Y Teulu James
Premier Inn, Kensington
0871 527 8666
Mae gwesty'r teulu James yn hawdd i'w gyrraedd o'r A4. Mae'r Premier Inn yn cynnig llety glân, modern a chyfforddus, yn addas i deulu ar gyllideb sydd eisiau treulio ychydig ddyddiau yn y ddinas. Mae rhai ystafelloedd yn cysgu hyd at 2 oedolyn a hyd at 2 o blant (o dan 16 oed). Mae'n agos at nifer o brif atyniadau Llundain gan gynnwys nifer o amgueddfeydd a Harrods. Mae'r siwrnai o'r West End tua 20 munud ar y Tube.
Nid yw S4C yn gyfrifol am gynnwys unrhyw wefannau allanol
Atyniadau
Aled
Tate Modern
020 7887 888
Mae'r Tate Modern yn un o'r grŵp o bedair oriel Tate sy'n arddangos detholiadau o'r Casgliad Tate. Mae'r Casgliad yn cynnwys cynrychiolaeth o gelf Brydeinig o'r flwyddyn 1500 hyd heddiw, yn ogystal â chelf ryngwladol fodern. Lleolir Tate Modern ar lan ddeheuol Afon Tafwys gyferbyn ag Eglwys Gadeiriol Sant Paul.
Geffrye Museum
020 7739 9893
Mae Amgueddfa Geffrye wedi ei leoli yn Shoreditch, ychydig funudau o ganol y ddinas, ac yn hawdd i'w chyrraedd ar drafnidiaeth gyhoeddus. Mae'n arddangos y newidiadau mewn ffasiynau addurno tai yn Lloegr o 1600 hyd heddiw. Mae mynediad yn rhad ac am ddim i'r ystafelloedd arddangos cyffredinol ac arbennig a'r gerddi perlysiau a chyfnod.
Alex
Siopa - Marchnad Spitalfields
Mae marchnad Spitalfields yn farchnad fyd-enwog yn nwyrain Llundain. Mae ardal Spitalfields yn gartref i gymuned greadigol lewyrchus. Mae hi wedi bod yn safle i farchnad brysur ers 1638 pan roddodd King Charles drwydded i werthu ieir, gwreiddiau a chig yna. O hynny ymlaen fe'i henwyd yn Spittle Fields
Brick Lane
Mae ardal Brick Lane yn frith o orielau, siopau, bwytai a marchnadoedd drwy gydol y flwyddyn.
The Store Rooms, Shoreditch
020 7608 1105
Bargeinion ffasiwn i bawb.
Taylor Taylor
020 7377 2737
Y salon gwallt boutique gwreiddiol.
Aled ac Alex
All Stars Lanes Bowling, Brick Lane
020 7426 9200
Bowlio, yfed a bwyta.
Y Teulu James
London Eye
0870 990 8883
Mae'r London Eye wedi ei leoli uwchben Afon Tafwys ac mae'n cynnig golygfeydd godidog o Lundain. Mae'n sefyll 135m ar y Southbank rhwng Waterloo a phont San Steffan gyferbyn â Big Ben
The Original Bus Tour
020 8877 1722
Mae'r cwmni yma'n rhedeg teithiau bws o amgylch Llundain. Mae tocynnau'n eich galluogi i dorri'ch siwrnai pryd bynnag rydych chi'n ei ddymuno, ac mae 3 taith gerdded a thaith ar gwch ar afon Tafwys yn gynwysedig yn y pris. Mae tocynnau'n ddilys am 24 awr.
Bwyd:
Skylon
020 7654 7800
Mae Skylon wedi ei leoli yn y Royal Festival Hall, yn cynnig golygfeydd panoramig dros Afon Tafwys.
Carluccio's, Covent Garden
020 7836 0990
Bwyty a siop fwyd arbenigol dan adain y cogydd adnabyddus o'r Eidal.
Nid yw S4C yn gyfrifol am gynnwys unrhyw wefannau allanol
-
5/ Glasgow
Y Gwestai
Aled
Gwesty Rab Ha's
0141 572 0400
Mae gwesty Rab Ha's yn westy bŵtic, yn fwyty ac yn far Albanaidd traddodiadol wedi ei leoli o fewn ardal ffyniannus Glasgow, Merchant City. Mae pedair ystafell fforddiadwy yn y gwesty hwn, gyda dewis o dair ystafell ddwbl ac un ystafell â dau wely sengl.
Alex
Blythswood Square
0141 248 8888
www.townhousecompany.com/blythswoodsquare
Mae'r gwesty hwn, a oedd gynt yn gartref i Glwb Brenhinol Modurwyr yr Alban, wedi cael ei drawsnewid yn westy sba moethus 5 seren. Mae'r adeilad, sy'n dyddio o 1823, wedi cadw rhai nodweddion pensaernïol gwreiddiol fel llefydd tân marmor a nenfydau addurnedig.
Iola a Richard
Holiday Inn Express Glasgow City, Riverside
0141 548 5000
Wedi ei leoli'n ddelfrydol yn ardal Theatreland y ddinas, mae'r gwesty yma'n addas i unrhyw un sydd â chyllideb fechan. Mae wedi ei leoli'n agos iawn at theatrau'r ddinas, llwyth o siopau a rhai o fwytai gorau Glasgow. Mae hefyd yn hawdd i'w gyrraedd, gyda chysylltiadau trafnidiaeth dda - awyr, ffyrdd, rheilffyrdd a bws.
Nid yw S4C yn gyfrifol am gynnwys unrhyw wefannau allanol
Atyniadau
Aled
Gerddi Fotaneg
0141 276 1614
Mae'r Gerddi Botaneg yn adnabyddus yn rhyngwladol am eu tai gwydr trawiadol a'u casgliad o blanhigion trofannol sy'n dod o bob cwr o'r byd. Mae amrywiaeth o themâu botanegol a garddwriaethol ar dir y gerddi botaneg, yn ogystal â llwybrau cerdded atyniadol ar hyd yr afon Kelvin. Mae'r gerddi yma'n cynnig egwyl fach i ymwelwyr o fwrlwm y ddinas.
Siopa
Mae milltir siopa Glasgow sy'n cynnwys stryd Buchanan, stryd Argyle, Sauchiehall a marchnadfa Princes Square yn cael ei adnabod fel y lle gorau i siopa yn y Deyrnas Unedig y tu allan i Lundain.
Canolfan Siopa Princes Square
0141 221 0324
Canolfan siopa Princes Square yw canolfan arbenigedd siopa blaenllaw'r Alban. Mae ganddi gymysgedd o frandiau'r stryd fawr, labeli dylunydd a siopau annibynnol. Wedi ei leoli o dan un to a dros dri llawr, mae'r ganolfan yma yn ddewis soffistigedig arall i stryd fawr yr Alban
Alex
Necropolis
0141 287 5064
Mae'r Necropolis yn dal i gael ei chydnabod fel un o fynwentydd mwyaf arwyddocaol Ewrop oherwydd ei chyfraniad at dreflun y ddinas a'i pherthynas symbolaidd gyda'r Eglwys Gadeiriol. Mae'n atyniad mawr i ymwelwyr o'r DU a thramor. Mae'r giatiau ar agor o 07.00 y.b. tan y cyfnos, ac mae mynediad am ddim.
Glasgow School of Art Tour
0141 353 4500
Cydnabyddir y GSA yn rhyngwladol fel un o brif sefydliadau addysg uwch Ewrop, yn bennaf ar gyfer addysg greadigol ac ymchwil i gelfyddyd gain, dylunio a phensaernïaeth. Mae gan yr ysgol siop newydd sbon, taith dywys o amgylch yr ysgol, arddangosfa Mackintosh ac oriel ddodrefn. Mae teithiau tywys o amgylch yr ysgol gelf yn costio £8.75 i oedolion.
Aled ac Alex
SEAFORCE
0141 221 1070
Mae teithiau cychod pŵer Seaforce wedi cael ei enwebu'n un o'r pethau mwyaf cyffrous i'w gwneud wrth ymweld â Glasgow. Maent yn rhedeg o harbwr Glasgow ger canol y ddinas ac yn cynnig teithiau i ganol y ddinas, pont Erskine, Dumbarton Rock a Kilcreggan.
Iola a Richard
City Sightseeing Glasgow
www.citysightseeingglasgow.co.uk
0141 204 0444
Mae teithiau bws City Sightseeing yn ffordd berffaith o weld Glasgow. Mae'r bws deulawr yn gweithredu'n rheolaidd o 0930 tan 1630, ac mae taith gyfan yn para awr a chwarter. Mae eich tocyn yn ddilys am ddau ddiwrnod o'r bron, a gallwch esgyn a disgyn oddi ar y bws mor aml ag yr hoffech chi o unrhyw un o'r safleoedd bws ar hyd y daith.
The Tall Ship
0141 222 2513
Y Tall Ship yn harbwr Glasgow yw un o atyniadau pennaf Glasgow. Mae'r Glenlee yn un o 5 llong hwylio a adeiladwyd ar y Clyde sydd yn dal i'w arnofio hyd heddiw. Cafodd y llong ei hadfer dros gyfnod o chwe blynedd gan Ymddiriedolaeth Forwrol y Clyde. Wedi ei hadfer i'w hen ogoniant, mae ymweliad yn mynd â chi yn ôl mewn amser i brofi sut beth oedd bywyd ar y môr.
People's Palace
www.glasgowlife.org.uk/museums/Pages/home.aspx
0141 276 0788
Mae'r People's Palace yng Glasgow yn amgueddfa hanes cymdeithasol ac mae e'n cynnig cyfle i weld hanes pobl a dinas Glasgow o 1750 hyd heddiw. Gallwch weld lluniau, printiau a ffotograffau yn ogystal ag arteffactau hanesyddol, ffilmiau a deunydd rhyngweithiol. Yn daith gerdded fer o ganol y ddinas , mae'r People's Palace yn gorwedd o fewn tir hanesyddol a elwir yn Glasgow Green.
Bwyd:
Willow Tea Rooms
0141 332 0521
Cynlluniwyd y Glasgow Willow Tea Rooms gan y cynllunydd Charles Rennie Mackintosh yn 1904. Hwn oedd yr unig adeilad ystafell de y cafodd Mackintosh reolaeth lwyr dros bob agwedd ar y cynllun. Cynlluniodd Mackintosh y tu allan a thu mewn i'r adeilad, ac fe gynlluniodd hyd yn oed y llwyau te a ffrogiau'r gweinyddion. Mae'r enw Willow yn dod o Sauchiehall, sef y stryd lle saif yr ystafell de. Ystyr enw'r stryd yw helygen, ac fe ymddangosodd yr helygen yn thema gref drwy'r adeilad.
Horseshoe Bar
0141 248 6368
Mae'r Horseshoe yn un o dafarndai hynaf Glasgow, ac wedi ei leoli yn stryd Drury. Mae wedi cadw holl nodweddion sy'n dyddio'n ôl bron 120 mlynedd. O siâp y bar hyd at gerflun y nen-bont, mae'r siâp pedol yn bresennol ar hyd a lled y dafarn. Yn ôl y Guiness Book of Records y bar yw un o farrau hiraf y DU.
Nid yw S4C yn gyfrifol am gynnwys unrhyw wefannau allanol
-
6/ Palma, Mallorca
Y Gwestai
Aled
Palacio Casa Galesa
0034 971 71 54 00
Mae'r tŷ urddasol yma, sy'n dyddio o'r 16eg ganrif, wedi ei leoli yn yr hen dref wrth ymyl yr Eglwys Gadeiriol. Cafodd y gwesty ei ailwampio yn 1995, ac mae e bellach yn westy moethus 5 seren. Mae'r gwesty wedi ei leoli'n berffaith ar gyfer siopa ac ymweld â lleoliadau twristaidd y ddinas.
Alex
Hostal Apuntadore
0034 971 71 34 91
Mae'r hostel prysur yma yng nghanol La Lonja, gyda llu o fariau lleol, caffis a bwytai o'i gwmpas. Mae mynediad gan westeion i'r teras to, lle gallwch weld golygfeydd godidog o Palma. O Plaza de la Reina, 20m o'r hostel, mae bysiau yn eich cysylltu â gweddill y ddinas, y traethau a'r ynys gyfan.
Kirsty a Thomas
Hotel Playa
0034 971 744 503
Mae'r gwesty wedi ei leoli o flaen yr ardal a enwir yn Playa de Palma, 5 munud yn unig o'r maes awyr, a deg munud o ddinas Palma. Mae'r gwesty'n un 3 seren gydag awyrgylch gyfeillgar deuluol.
Nid yw S4C yn gyfrifol am gynnwys unrhyw wefannau allanol
Atyniadau
Aled
Yr Eglwys Gadeiriol
Mae eglwys gadeiriol Palma'n amhosib ei hanwybyddu; mae ei adeiladwaith tywodfaen anferth yn sefyll yn urddasol uwchben uwchben glan y dŵr. Mae'r eglwys gadeiriol yma'n un o strwythurau Gothig gorau'r byd. Gosodwyd ei seiliau ar fosg Mwraidd yn 1230, a pharhaodd y gwaith arno am y 500 mlynedd nesa. Mae'r Eglwys Gadeiriol ar agor yn ystod yr wythnos o 10:00-15:15, ac ar ddydd Sadwrn o 10:00-14: 15.
Taith Gatamarán
0034 971 897 067
Mae'r daith ar y catamarán yn mynd o amgylch bae Palma. Mae taith yn mynd â chi i lefydd fel Puerto Portals, Cala Mayor neu Illetas gyda'r cwch yn stopio am ychydig o snorcelio ar draeth Portals Vells. Mae pris y trip, sef 50 ewro (yn gywir ym mis Medi 2010) hefyd yn cynnwys cinio barbeciw.
Alex
Sightseeing Bus Tour
0034 902 10 10 81
Mwynhewch olygfeydd ysblennydd o Palma o dop bws deulawr. Mae'r bws yn mynd â chi o gwmpas atyniadau a henebion y ddinas er mwyn i chi gael syniad o ddaearyddiaeth y ddinas. Pris tocyn oedolyn yw 15 ewro (yn gywir ym mis Medi 2010), ac mae'r tocyn yn ddilys am 24 awr.
Castell Bellver
Mae Bellver yn gastell crwn wedi ei leoli ar fryn ar bellter o tua 3km o ganol Palma, 112m uwchben lefel y môr. Mae'r castell bellach yn gartref i Amgueddfa Hanes Palma, ac mae ganddo olygfeydd gwych dros Palma. Cafodd ei adeiladu yn y bedaredd ganrif ar ddeg i'r Brenin Iago II o Aragon. Fe'i defnyddiwyd fel carchar milwrol yn ystod yr 18fed ar 19eg ganrif. Bellach, mae'n un o brif atyniadau twristiaeth yr ynys.
Kirsty a Thomas
Aqualand el Arenal
0034 971 440 000
Mae Aqualand el Arenal yn un o barciau dŵr mwyaf Ewrop. Wedi ei leoli ger traeth El Arenal yn ne'r ynys, yn ogystal â bod mewn amgylchedd naturiol, mae gan y parc dŵr enfawr yma dros 20 o reidiau all ddiddanu unrhyw deulu.
Acwariwm Palma
0034 971 746 104
Mae acwariwm Palma yn barc môr sy'n ail-greu cynefinoedd ac ecosystemau moroedd a chefnforoedd y byd. Wedi ei leoli yng nghanol Playa de Palma mae e wedi gosod y safon ar gyfer atyniadau twristaidd ar yr ynysoedd Baleares.
Trên Soller
0034 971 630 13
Mae rheilffordd Soller yn cysylltu dinas Palma de Mallorca â thref fach Soller ers 1912. Mae'r trên yn teithio 27km ar hyd llwybrau cul trwy dirwedd hyfryd. Mae'r trên pren traddodiadol yn mynd o orsaf Playa d'Espanya, ac mae hi'n daith o awr a hanner. Pris tocyn deuffordd yw 17 Ewro (cywir ym mis Medi 2010).
Nid yw S4C yn gyfrifol am gynnwys unrhyw wefannau allanol