Mae'r egwyddor o gadw'r lleoedd mawr, agored, i'w gweld yn glir yn adeilad anhygoel Duke's Barn, Sir Fynwy, sy'n agor i greu ystafell 110' o hyd!

Mae'r penseiri wedi gweithio'n galed yma hefyd i osgoi gosod ffenestri a drysau newydd (rheol aur unrhyw addasiad llwyddiannus), gan ddefnyddio waliau gwydr, drysau platwydr, a hyd yn oed lloriau gwydr i ddenu golau i'r llofftydd canol neu'r mezzanine.

Mae'r cyferbyniad rhwng y to derw hynafol a'r gwydr a'r dur modern yn wych, gan fod y nodweddion gwreiddiol yn dal yn amlwg heb orfod ychwanegu nodweddion 'ffug hanesyddol' fel corneli simnai pentan a nodweddion bwthyn bach.