Pe baech yn gofyn i rywun ar y stryd beth maen nhw’n meddwl yw'r "tŷ nodweddiadol Cymreig", mae’n debyg y byddent yn disgrifio cartref syml â dwy neu dair ystafell sy’n eistedd wrth odre bryniau gleision. Wel dyna’n union sy’n cychwyn y gyfres hon o'r Tŷ Cymreig – golwg fanwl ar y bwthyn Cymreig.

Dyma gyfle i edrych o gwmpas bwthyn yn Sir Benfro sydd heb ei newid o gwbl dros y canrifoedd. Wrth odre Carnedd Lleithr, fel perlen wen yng nghanol cefndir lliwiau mwy daearol gweundir Sir Benfro, mae Treleddyd Fawr, cartref Glyn Griffiths. Mae gan hwn do pert o lechi a sment a waliau wedi’u gwyngalchu, ac mae wedi bod yn gartref i Glyn ers y 1930au.