Dywediad enwog Napoleon am bobl Prydain yw eu bod yn ‘genedl o berchnogion siop’, ond gallwn ddyfalu ei fod yn cyfeirio at Loegr yn unig, oherwydd does dim dwywaith bod Cymru wedi bod yn genedl o ffermwyr am y rhan helaethach o’r mileniwm diwethaf.

Byddai neb yn anghytuno â’r ffaith bod ffermydd Cymru wedi cael dylanwad enfawr ar olwg y wlad, gan ffurfio’r dirwedd o’u cwmpas.

Ar y llaw arall, mae’n wir i ddweud bod y dirwedd wedi effeithio ar olwg y ffermydd eu hunain, er enghraifft trwy’r dewis o garreg a ddefnyddiwyd, a sut yr adeiladwyd y tai. Defnyddioldeb yw’r rhinwedd pwysicaf ar fferm, sy’n golygu bod yr adeiladau’n tueddu i fod yn rhai syml, diymhongar, nad ydynt yn ymffrostio yn y ffaith eu bod yn adeiladau naturiol prydferth. Mae Aberdeunant, yng nghanol cefn gwlad Sir Gaerfyrddin, yn enghraifft berffaith o dŷ sy’n gweddu â’i amgylchedd.