Mae Tŷ Mawr, Nantmor yn dipyn llai o faint, ond yn enghraifft brin o ddefnyddio techneg wal sych i godi tŷ. Dyma un o'm hoff adeiladau i - ymgeisydd cryf am deitl tŷ Cymreig o'r iawn ryw. Rydyn ni'n dueddol o feddwl am waliau cerrig sych ar hyd a lled ein mynyddoedd, ond fe arferai pobl adeiladu eu tai yn yr un modd hefyd. Roedd hyd yn oed gweithwyr crwydrol arbenigol yn cael eu cyflogi i lenwi bylchau'r cerrig â mwsogl i atal drafftiau.