Rhiannon Yates
| Enw: | Rhiannon Yates |
|---|---|
| Camp: | Athletau, Naid Hir |
| Clwb: | Casnewydd Harriers |
| Oedran: | 18 |
| Cartref: | Gilfach, Bargoed |
Proffil
Dwi wedi bod yn cymryd rhan mewn athletau ers pan oeddwn i ym mlwyddyn tri yn yr ysgol gynradd. Fy athrawes Mrs Bowen gyflwynodd fi i'r gamp ac fe ddechreuodd popeth o'r fan honno.
Pan es i i Ysgol Gyfun Cwm Rhymni dechreuodd pethau fynd yn fwy cystadleuol. Dyna pryd ymunais i â'r clwb athletau pan oeddwn i'n un ar ddeg mlwydd oed.
Yn y dechrau, fe wnes i ddewis athletau gan fod fy ffrind i'n aelod o dîm yr ysgol, af fe wnes i ddewis y naid hir am ei bod yn ymddangos yn gamp hawdd ac roedd y plant hŷn fel petaent yn mwynhau eu hunain yn chwarae yn y tywod!
Yr hyn dw i'n hoffi fwyaf am y gamp ydy'r pleser o gystadlu a gweld fy ffrindiau.
Un peth arall am y naid hir yw'r ffaith eich bod chi'n cael tri chynnig i wneud yn dda. Mewn rasys dim ond un cyfle rydych chi'n cael.
Mae'n cymryd llawer o amser, ymarfer ac ymdrech i fod yn athletwraig dda. Os mai hynny rydych chi eisiau'i wneud yna mae rhaid i chi fod yn barod i aberthu.
Uchelgais
Fy uchelgais ydy cyrraedd Gemau'r Gymanwlad yn 2010 ac, wrth gwrs y Gemau Olympaidd yn 2012.
Dwi'n gwybod y bydd hi'n anodd, ond byddai'n golygu popeth i mi, felly'r cyfan alla i wneud yw ceisio fy ngorau glas a gobeithio y bydda i'n gallu cynrychioli Prydain yn 2012.